“İcra başçılarının həbsləri vicdanını itirmiş digər məmurlara mesajdır”
11-05-2020, 14:00
195

“İcra başçılarının həbsləri vicdanını itirmiş digər məmurlara mesajdır”

Milli Məclisin Səhiyyə komitəsinin üzvü İlham Məmmədov Oxu.Az-a müsahibə verib:
- İlham müəllim, koronavirus pandemiyası qlobal problemə çevrilib. Hər ölkənin koronavirusa qarşı mübarizədə özünəməxsusluğu olsa da, mübarizə metodologiyasının ümumi prinsipləri demək olar ki, eynidir. Bəs siz Azərbaycanda koronavirusla mübarizəni hansı xüsusiyyətlərinə görə digərlərindən fərqləndirirsiniz?
- Prezident İlham Əliyev və Birinci vitse-prezident Mehriban Əliyeva koronavirus infeksiyası ilə bağlı məsələyə həssaslıqla yanaşır. Azərbaycanda karantin rejiminin tətbiq olunması ilə əlaqədar adekvat mübarizə tədbirləri üçün dövlətin iqtisadi gücünün bütünlüklə bu istiqamətə yönəlməsi hökumət qarşısında duran prioritetdir.
Prezident koronvirusdan qorunmaq üçün dəfələrlə Azərbaycan xalqına müraciət edib. Dövlət başçısı birlikdə güclü olmağın mesajını verdi, bununla yanaşı bildirdi ki, insanlar da sosial məsuliyyətlərini dərk etməlidirlər.
- Sosial, ictimai və şəxsi məsuliyyət – bunlar koordinasiyalı formada olmalıdır. Lakin sual olunur, nəyə görə, vətəndaşlar bu məsuliyyətin hər üç formasından qaçırlar?
- Birinci növbədə, bu, insan psixologiyası ilə bağlıdır. Qeyd etdiyiniz kimi sosial, ictimai və şəxsi məsuliyyət bir kontekstdə nəzərdən keçirilməlidir. Koronavirus pandemiyası müharibədir, bu müharibədə hamı birlikdə, qaydalara uyğun davranmalıdır. Bir insan şəxsi, sosial və ictimai məsuliyyətini dərk etmədən xəstəliyi yayırsa, bu, bütün cəmiyyətin, dövlətin, xalqın təhlükəsizliyi məsələsini təhdid altına qoyur.
Birinci vitse-prezident Mehriban Əliyevanın xalqa ana nəvazişi ilə ünvanladığı müraciətdə bildirilir ki, Azərbaycan çətin mərhələni geridə qoyub. Amma bununla belə qeyd olunur ki, biz bu işi axıra çatdırmalıyıq.
Ancaq son bir neçə gündür vətəndaşlarda məsuliyyət hissinin olmaması nəticəsində koronavirusa yoluxma halları sağalma hallarını dəfələrlə üstələyib.
Buna görə də vəzifəsindən, sosial mənsubiyyətindən asılı olmayaraq, hər bir vətəndaş dövlət, cəmiyyət qarşısında məsuliyyətini dərk etməlidir. Zərurət olmadığı hallarda insanlar evdən çölə çıxmamalıdır. Bu gün bazarlarda insanlar nə qədər sıxlıq yaradırlar. Yoluxma ilə bağlı bir neçə günün dinamikası onu göstərir ki, biz yenidən səhiyyəmizi yükləyirik.
Vətəndaşlar məsuliyyət hissini itirməklə xəstəliyin ikinci dalğasının gəlməsinə zəmin yaradırlar.
Çox təəssüflər olsun ki, xəstəliyə yoluxma sayının kəskin artması bizə ciddi xəbərdarlıqdır.
Prezident İlham Əliyev bildirib ki, əgər təhlükəli tendensiya davam edərsə, karantin rejimi yenidən sərtləşdirilə bilər.
Xəstəliyin yayılmasını minimuma endirmək, lokallaşdırmaq istəyiriksə, karantin rejiminin tələblərinə əməl etmək həyat tərzinə çevrilməlidir. Maska taxmaq, əllərin tez-tez yuyulması, dezinfeksiyaedici məhlullarla təmizlənməsi, sosial məsafə saxlamaq çox mühümdür.
- Azərbaycanda karantin rejimini pozanlara qarşı daha sərt cəzaların tətbiq olunması təklif edilir. Təkliflər reallaşacağı təqdirdə bunun çıxış yolu olacağını düşünmək nə dərəcədə düzgündür?
- Pandemiya təhlükəsizlik məsələsidir – dövlətin, millətin, genefondumuzun təhlükəsizliyi. Biz deputatlar təklif edirik ki, vətəndaşlar mövcud qaydalara əməl etməsələr, cəzalar daha da sərtləşdirilsin.
Maska taxılmalıdır, əlcək geyinilməlidir. Bəzi insanlar var ki, xəstəliyi asimptomatik keçirirlər, yəni əlamətləri müşahidə olunmur. Lakin yaxınlarına, başqa insanlara təhlükə yaradır. Cəzaların sərtləşdirilməsi insanları inzibati yolla qaydalara əməl etməyə cəzb etmək deməkdir.
- Ölkədə tətbiq olunan xüsusi karantin rejimində bəzi məmurlar özlərinin şəxsi mənafeyini ön plana çəkdilər. Əhalinin həssas qruplarına göndərilən yardımların mənimsənilməsi, bəzi icra başçılarının həbsləri xeyli müzakirələrə səbəb oldu. Niyə hələ də bəzi məmurlar həm məmur, həm də ictimai məsuliyyəti dərk etməkdə çətinlik çəkir?
- Prezident İlham Əliyev Bakıda modul tipli xəstəxananın açılışında dedi ki, həssas dövrdə aztəminatlı ailələrə göndərilən yardımları mənimsəmək xainlik, xəyanətdir. Məsuliyyət hissini itirmiş, milli xəyanət səviyyəsinə yüksəlmiş məmurlar öz layiqli cəzalarını alır. İctimaiyyət bu cür məmurlara qarşı dövlətin atdığı addımları təqdir edir, çox yüksək qiymətləndirir.
Azərbaycanın mentalitetində çox gözəl xüsusiyyət var. İnsan dar günə düşəndə ona kömək edilir, hardasa kasıb ailə varsa, ona əl tutulur. Bu dəstəyi, bu köməyi Azərbaycan Prezidenti İlham Əliyev öz üzərinə götürüb.
Dövlət maddi, maliyyə yardımları edir ki, vətəndaşlar belə çətin zamanlarda həm psixoloji, həm də sosial gərginliklərini aradan qaldırsınlar. Ancaq əhalinin həssas qruplarına verilən kartları vicdansız, harınlamış, xain məmurlar mənimsəyib, öz kabinetlərində şəxsi mənafeyi üçün istifadə edirlər. Hesab edirəm ki, bəzi icra başçılarının həbsi həm cəmiyyətə, həm də vicdanını itirmiş digər məmurlara mesajdır.

Oxşar xəbərlər

Prezident İlham Əliyev və Mehriban Əliyeva ADA Universitetinin iki yeni korpusunun açılışında iştirak ediblər - Yenilənib
İlham Əliyev və Mehriban Əliyeva Heydər Əliyevin məzarını ziyarət ediblər
Əhalinin dövlətin yüksək diqqət və qayğısı ilə əhatə olunması həyata keçirilən sosial siyasətin mühüm tərkib hissəsidir
Mehriban Əliyeva bir illik əmək haqqını koronavirusla mübarizə fonduna bağışladı
Deputat DİN-i tədbir görməyə çağırdı
İlham Əliyev və Mehriban Əliyeva Bakıda açılışda
Ramiz Mehdiyevin yerinə sədr seçiləcək
"Xüsusi karantin rejimi hələ bir müddət də davam etməlidir" - Deputat
Deputatdan Kamran Əliyevin baş prokuror təyin edilməsinə MÜNASİBƏT
Prezident İlham Əliyev və birinci xanım Mehriban Əliyeva Türk Şurasının VII Zirvə Görüşündə iştirak edən dövlət və hökumət başçıları ilə birgə şam ediblər
Prezident mükafatına layiq görülən sənətkarlar: “Sevincimizin həddi-hüdudu yoxdur”
Prezident və xanımı Pirsaat Baba ziyarətgahında-FOTO
İlham Əliyev tibbi maska istehsalı müəssisəsinin açılışını etdi
Mehriban Əliyeva Sami Yusufa Prezidentin fəxri diplomunu təqdim etdi
İlham Əliyev və Mehriban Əliyeva yataqxana binasının açılışında iştirak etdilər
Deputat açıqladı: “Milli Məclisdə amnistiya təklifi irəli sürülə bilər”
Prezident İlham Əliyev və birinci xanım Mehriban Əliyeva 3 saylı DOST mərkəzinin açılışında iştirak ediblər
Prezident və birinci xanım İçəri Şəhərdə aparılan bərpa-konservasiya işləri ilə tanış olublar - Yenilənib, Fotolar
“Koronavirus pandemiyası könüllülük prioritetlərinin də miqyasını genişləndirib”
Rüşvətxor və korrupsionerlərin “qara günləri” başlayır
Birinci vitse-prezident İsmayıllıya səfər edib
İlham Əliyev və Mehriban Əliyeva Sumqayıtda açılışda - FOTO
Sabiq nazir: "Çox ciddi çətinliklər meydana gələ bilər"
Ağdaşlı gənclərin iştirakı ilə onlayn görüş keçirildi - FOTOLAR
Prezidentin yeni yaratdığı Şura hansı işi görəcək? - Deputat
FHN-nin Agentlik rəisi milyonluq villaları hansı qazancı ilə tikdirib? - İLGİNC
Ceyhun Bayramov Azərbaycanın COVID-19-la mübarizədə gördüyü işləri açıqladı
Tərtərdə karantin rejiminin vəziyyəti ilə bağlı növbəti reyd keçirilib
Prezident Özbəkistanın yeni səfirinin etimadnaməsini qəbul edib - Foto + Video
“Xəyanətkar qüvvələrə Ermənistanın Xalq artisti fəxri adı verlisə, təəccüblənməyin”