Tərtərin başçısından şəhid anasına təhqir: “1000 manat alanda yaxşıydı…” – Video
17-12-2020, 10:34
189

Tərtərin başçısından şəhid anasına təhqir: “1000 manat alanda yaxşıydı…” – Video

Nəzakət Aslanova… O, Tərtərdə yaşayır. Əslən Ağdərə köçkünüdür. Nəzakət xanımın taleyinə nə yazılıbsa, ikinci dəfədir əzizi Vətən üçün şəhidlik zirvəsinə ucalır.

Hələ I Qarabağ savaşında onun qardaşı Ağdaban hadisələrində şəhid olub, məzarı düşməndən 28 il sonra azad edilmiş Kəlbəcərdədir.
Bu dəfə – II Qarabağ müharibəsində isə N.Aslanova balasını Vətənə qurban verib. Oğlu – gizir Aslanov Xəyal Qüdrət oğlu Talış istiqamətində gedən döyüşlərdə şəhidlik mərtəbəsinə yüksəlib.
X.Aslanov 2014-cü ildən Orduda gizir kimi xidmət edib. Ordumuzun əks-hücum əməliyyatlarına başladığı sentyabrın 27-dən ön xətdə olub.
Reportyor.info-ya danışan şəhid anasının sözlərinə görə, sentyabrın 28-də onlara Xəyalın yarandığı barədə məlumat verilib.
“Bizə zəng gəldi ki, Xəyal yaralanıb. Həmin an Xəyalın əmisi uşaqları ilə bir yerdə Tərtər rayon İcra Hakimiyyətinə getmişik. Orada Xəyalı istəmişəm, demişəm ki, uşağımı verin.
Bu vaxt hərbi səhra formasında biri mənə yaxınlaşıb dedi ki, 1000 manat alanda yaxşıydı, öləndə pis?! Bu sözdən sonra orada huşum gedib.
Ayılanda gördüm ki, oğlumun tabutu artıq qapıya gəlib. Xəyalın dəfnindən üç gün sonra qaynımın oğlundan soruşdum ki, hərbi formada olan, mənə o sözü deyən şəxs kim idi? Qayıtdı ki, Tərtərin icra başçısı Müstəqim Məmmədov idi”, – deyə N.Aslanva bildirir.
Şəhid anası qeyd edir ki, Tərtərin icra başçısı oğlunun dəfnində iştirak etməyib: “Həmin günlərdə rayon çəkiliş edən müxbirlərlə dolu idi, bir nəfər çəkiliş aparmayıb. Özü də Xəyal Tərtərə gələn ilk şəhid idi.
O, Talış istiqamətində gedən döyüşlərdə Qərargah rəisi ilə birlikdə şəhid olub. Amma bu günə kimi icra hakimiyyətindən heç kəs bizimlə maraqlanmayıb”.
Ürəyi dağlı ana danışır ki, M.Məmmədov bir rayon rəhbəri kimi şəhidin ruhuna ehtiram əlaməti olaraq heç məzarı üstünə bir əklil göndərməyib: “Nə oğlumun qəbrinə gül qoyub, nə qapımızdan bir bayraq asılıb.
Xəyalın xəbəri gələn gün İcra Hakimiyyətində 150-200 adam olardı, tək qadın mən idim. O an ayaqyalın şüşələrin üstündə qaçıb oğlumu istəyirdim.
Ancaq gah birinin işi vardı, biri qapıçı idi, biri süpürgəçi… Yəni hərənin öz işi var imiş, heç kəs yaxın gəlmir, maraqlanmır.
Bu müddət ərzində gözləmişəm ki, bəlkə icra başçısı Xəyalın atasına zəng edər, ya bir üzrxahlıq edər, heç olmasa oğlumun məzarına bir gül göndərmiş olar. Bunların heç birini etməyib.
Əvəzində həmin gün əlləri cibində gəzirdi, mənə də dedi ki, 1000 manat alanda yaxşıydı, öləndə pis?! Mən də istəyirəm ki, Prezident bu məsələdən agah olsun. Mən həm şəhid bacısıyam, həm şəhid anasıyam.
Bizə olan hörmət budur? Təsəvvür edin ki, müharibə vaxtı 40 gün Bərdədə məktəbdə qaldıq, Tərtər İcra Hakimiyyətindən maraqlanan olmadı.
Yenə Bərdə icra başçısı Vidadi İsayev sağ olsun, bizimlə maraqlandı, mənəvi dəstək oldu, bizi yerləşdirdi. Bu gün heç nə istəmirəm.
Sadəcə, Tərtərin icra başçısı Müstəqim Məmmədov Xəyalın şəhid olduğu günü mənə dediyi “1000 manat alırdın yaxşıydı, öləndə pis?!! sözünün açıqlamasını versin.
Çünki o şəhidlər qanları ilə istehkamları dağıdıblar, qanları ilə qəhrəmanlıq dastanı yazıblar. Xəyal ona görə canını verməyib ki, anasına icra başçısı belə söz desin”.

Gülay

Oxşar xəbərlər

Füzuli uğrunda şəhid olan gizir
Çoban Xanışın şəhid nəvələri - Foto
19 yaşlı qəhrəman: Qəsəbənin 30 ildən sonra ilk şəhidi (VİDEO)
Cəbrayıl-Füzuli istiqamətində şəhid olan gizir
Komadan ayılmayan baş leytenantımız şəhid oldu - FOTO
“Oğlum şəhid olan gün saatım dayandı” - Video
Dövlət Gömrük Komitəsinin əməkdaşı şəhid oldu
Mənsum İbrahimovun qardaşı oğlu şəhid oldu - FOTO
“Telefonuma zəng çatmasa bilin ki, getdim...” – Füzulidən Qubadlıyacan + Video
Oğlanları ilə birgə döyüşüb şəhid olan ata... - VİDEO
Könüllü gedib şəhid olan prokurorluq işçisi... - VİDEO
Daxili Qoşunların zabiti Şuşada şəhid olub
Birlikdə böyüyüb, birlikdə döyüşən əmioğlular: Biri şəhid, digəri qazi
Vətəni işıqlandıran şəhidlər - FOTOLAR
Bir Zeynal şəhid oldu, digər Zeynal doğuldu (VİDEO)
Şəhid polkovnikin son mesajı: “Şərəfsizlərin dərsini veririk“ - Video
Xudayar anasına deyirmiş ki, müharibə bitəndən sonra özüm... - Video
Arzusuna çatdıqdan sonra şəhid olan baş leytenant - VİDEO
Xalq artistinin oğlu Şuşa uğrunda döyüşlərdə ŞƏHİD OLDU
Naxçıvanda ata şəhid oğlu üçün qurban kəsdi - Video
Şəhidimizin bu videosunu izləməyən yoxdu: “Dastana döndü…”
"Oğlumun sadəcə bir arzusu vardı" - Şəhid anası
Şuşanın azadlığı uğrunda şəhid olan baş çavuş
“Şuşaya meşə yolu ilə 15-16 saat dayanmadan…” - Video
“Zirə”nin şəhid futbolçusu medalla təltif olundu
Nazirlikdən şəhid Xudayar Yusifzadə ilə bağlı sevindirici addım
Vətəni canı bahasına qoruyanlar - VİDEO
Novruz Aslanov şəhidimizin məzarını ziyarət etdi - FOTO
"Atam arzularımı yarımçıq qoyub getdi" - Şəhid övladı (VİDEO)
Göyçayda şəhid ailəsi çıxılmaz durumda... - NARAZILIQ...