Mehdiyevin akademiklər qarşısında qoyduğu şərt: Dostum kimdir, düşmənim kim?..
14-01-2021, 12:09
63

Mehdiyevin akademiklər qarşısında qoyduğu şərt: Dostum kimdir, düşmənim kim?..

Ötən bir neçə gün ərzində AMEA prezidenti Ramiz Mehdiyev bəzi akademikləri vəzifələrindən kənarlaşdırıb. AMEA-nın yaydığı rəsmi məlumatlarda, eləcə də vəzifələrini itirən akademiklərin mediaya verdiyi açıqlamalarda bu, elm ocağındakı islahatların bir parçası kimi qələmə verilir. 
Lakin Yenisabah.az-ın AMEA-dakı etibarlı mənbəsindən aldığı məlumata görə, baş verənlər islahat deyil, akademiklərin məqsədli “soyqırımıdır”. Belə ki, Prezident İlham Əliyevin sərəncamı ilə Prezident Administrasiyasının rəhbəri vəzifəsindən çıxarılaraq AMEA prezidenti təyin edilən Ramiz Mehdiyev üzdə səsini çıxarmasa da “vurulduğu” gündən qisas hissi ilə yaşayıb. 
Yəqin xatırlayırsınız ki, AMEA prezidenti əvvəlki vəzifəsindən çıxarılandan bir müddət sonra ayrı-ayrı icra hakimiyyəti orqanları rəhbərlərini rəhbərlik etdiyi quruma toplayaraq iclas keçirir, onlar üzərində hələ də təsirinin qaldığını ictimaiyyətə nümayiş etdirirdi. Bununla paralel olaraq, Ramiz Mehdiyev həmin ərəfədə AMEA-nın Rəyasət Heyətinin də iclasını keçirib. İclasın gündəliyinə isə bir məsələ qoyulub. 
Məlumata görə, Ramiz Mehdiyev üzünü akademiklərə tutaraq “yuxarıların”, onun “vurulması” haqda qərarını tənqid edib, akademiklərdən tələb edib ki, bununla bağlı hər kəs mövqeyini bildirsin və onu revanş üçün müdafiə etsinlər. Hətta Ramiz Mehdiyev akademiklərə müraciət edərək, “Mən bilmək istəyirəm ki, dostum kimdir, düşmənim kim. Kimə güvənə bilərəm, kimə yox” deyib. 
Beləliklə Ramiz Mehdiyev AMEA-ya rəhbərlik etməsindən, vəzifəsindən sui-istifadə edərək, elm ictimaiyyətinin maraqlarını deyil, şəxsi maraqlarının təmin olunmasını istəyib. Bu hərəkəti ilə o, elm ictimaiyyətini Prezident İlham Əliyevin siyasətinə qarşı çıxmağa səsləyib. 
Ancaq AMEA-nın Rəyasət Heyətinin sözügedən toplantısında akademik İsa Həbibbəyli başda olmaqla digər akademiklər də susublar. Heç kim Prezident İlham Əliyevə, onun siyasətinə, qəbul etdiyi qərarlara qarşı çıxmaq istəməyib. Bununla da Ramiz Mehdiyevin arzusu yerinə yetməyib. 
Rəhbərlik etdiyi qurumun səlahiyyətli şəxslərindən dəstək ala bilməyən Ramiz Mehdiyev bütün akademikləri özünün “qara siyahısına” salıb. Fürsət düşdükcə hamısını vəzifədən kənarlaşdırmağı qarşısına məqsəd qoyub. Amma pandemiyadan irəli gələn tədbirlər, xüsusən də Ramiz Mehdiyevin karantin qaydalarını pozaraq nəvəsinə toy etməsi, buna görə qanun çərçivəsində özü və ailə üzvlərinin sərt cəzalanması, ardınca Vətən Müharibəsinin başlanması “boz kardinal”ın qisasını bir müddət ertələyib. Nəticə etibarilə Ramiz Mehdiyevi tərifləyib ona qahmar çıxmayan akademiklərin vəzifələrindən kənarlaşdırılması prosesi ləngiyib. 
Ancaq indi sakitçilik olduğundan Ramiz Mehdiyev çoxdan reallaşdırmaq istədiyi planın icrasına başlayıb. İslahatlar adı altında əvvəlcə AMEA Rəyasət Heyətinin tərkibinin formalaşdırılması istiqamətində addım atılıb və birinci vitse-prezident vəzifələri ləğv olunaraq yalnız bir vitse-prezident vəzifəsi təsis olunub. Ramiz Mehdiyevin xeyir-duası ilə akademik Dilqəm Tağıyev AMEA-nın birinci vitse-prezidenti seçilib. Akademiklər İsa Həbibbəyli və İbrahim Quliyev isə AMEA-nın birinci vitse-prezidenti vəzifəsindən azad edilib, daha aşağı vəzifəyə - AMEA-nın vitse-prezidenti vəzifəsinə seçiliblər. 
Mediada İsa Həbibbəylinin yerdəyişməsi Ramiz Mehdiyevin nəvəsinin toyuna getməməsi ilə əlaqələndirilsə də, AMEA-dakı mənbə bildirib ki, bu “səsvermə” və təyinat cəza tədbiridir. Ramiz Mehdiyev birdən birə akademikləri vurub kənara ata bilmədiyi üçün onları öz ətrafından kənarlaşdırmaqla cəzalandırıb. 
Məlumata görə, AMEA-nın Fizika İnstitutunun direktoru, akademik Nazim Məmmədov və onun müavini akademik Cavad Abdinovun aparılan yoxlamanın nəticələrinə görə işdən azad edilməsi də Ramiz Mehdiyevin qisas əməliyyatının bir parçası və davamıdır. Gözlənilir ki, bu günlərdə AMEA-da bir çoxları da “islahat” adı altında vəzifədən kənarlaşdırılacaq.

Oxşar xəbərlər

Ramiz Mehdiyev İsa Həbibbəylini də vəzifəsindən azad etdi
Ramiz Mehdiyev ölübmü? - AMEA-dan AÇIQLAMA
Ramiz Mehdiyev AMEA-nı “Veteranlar klubu”na çevirir: Özündən 3 yaş böyükdür
Ramiz Mehdiyev vətəndaşları qəbul etməkdən imtina etdi — FOTOFAKT
Ramiz Mehdiyev AMEA-dakı nöqsanları açıqladı
Ramiz Mehdiyevin daha iki vəzifədən kənarlaşdırılması RƏSMİLƏŞƏCƏK
Ramiz Mehdiyev özünə daha bir köməkçi götürdü - FOTO
Ramiz Mehdiyevdən daha bir təyinat
Ağsaqqal niyə cəzalandırılmır? - Açıqlama
AMEA əməkdaşlarına məqalələri kim yazdırır? – Mehdiyevin yeni həmləsi
Ramiz Mehdiyev təkzib etdi
Ramiz Mehdiyevin 25 illik kadrı işdən çıxarılır? - İDDİA
Ramiz Mehdiyevin İsa Həbibbəylini “vurmasının” şok səbəbi
Ramiz Mehdiyevin dissertasiya işi yararsız olduğundan... - İTTİHAM
Mehdiyev müxalifətə keçsə, nə baş verəcək? – Arif Hacılının baxışı
Alimlərin kabusuna çevrilən “TOXUNULMAZ MÜQƏDDƏSLİK”: - Akademiki tənqid etməyin cəzası nədir?
Ramiz Mehdiyev ağ xalatda - baş onkoloq AMEA-ya gəldi və...
Ramiz Mehdiyevin nəvəsinin qalmaqallı toyundan yeni görüntülər yayıldı - Video
AMEA-nın iki institutunun direktoru İŞDƏN ÇIXARILDI
Ramiz Mehdiyev: "Əlimdəki faktları ortaya qoysam, ölkədən qaçarlar"
Ramiz Mehdiyev sabiq naziri özünə müşavir təyin etdi
Ramiz Mehdiyevin nəvəsinin toyundan daha bir görüntü yayıldı - VİDEO
AMEA-da “Mehdiyevsayağı islahat“: 70 yaşlı akademikin yerinə 80 yaşlı akademik gətirildi
Ramiz Mehdiyev maral buynuzu ilə bu xəstəliklərini aradan qaldırırmış - İDDİA
AMEA-ya yeni Aparat rəhbəri TƏYİN OLUNDU
Mehdiyev AMEA-da da oturub yeyir... - İLGİNC FAKT
AMEA əməkdaşlarının bir hissəsi işə çıxacaq – SƏRƏNCAM
AMEA-da iclas: qurum özü-özünü tənqid etdi
Ramiz Mehdiyevin ölüm xəbəri yayıldı - AÇIQLAMA
İsa Həbibbəyli vəzifədən azad olunmasının səbəbini açıqladı