Qobustanın icra başçısı şəhid bulağının tikintisinə icazə vermir- 28 ildir icra başçısı işləyən Adil Məmmədov milyonları necə qazanır ?
27-08-2021, 13:00
598

Qobustanın icra başçısı şəhid bulağının tikintisinə icazə vermir- 28 ildir icra başçısı işləyən Adil Məmmədov milyonları necə qazanır ?

Bu yazının baş  “qəhrəman”ı  Qobustanın icra başçısı Adil Məmmədov olduğu üçün öncə “qəhrəman”ımızın  ömür yoluna nəzər salaq. 
Adil Məmmədov ixtisasca  baytar olduğu üçün sovet dövründə uzun müddət  müxtəlif  kolxozlarda  baytar işləyib. 
Müstəqillik dönəmində isə, 1994-cü il tarixdən 2002-ci il tarixədək Oğuz rayonu İcra hakimiyyətinin başçısı,  2002-ci il tarixdən 2004-cü il tarixədək Qəbələ rayonu İcra hakimiyyətinin başçısı,  2004-cü il tarixdən 2011-ci il tarixədək Biləsuvar rayon İcra hakimiyyətinin başçısı, 2011-ci il tarixdən isə Qobustan rayonu İcra hakimiyyətinin başçısı işləyir. 
İndi isə keçək əsas mövzuya. 
Deməli, 28 ildir müxtəlif rayonlarda icra başçısı işləyən və milyonlar qazanan  icra başçısı nəyin davasını etsə yaxşıdır ?
Bir şəhid bulağının  suyunun pulunun davasını edir cənab Adil Məmmədov. 
Sonra nəyin davasını edir, bizim “qəhrəman” ?
Şəhid  bulağında  qoyulacaq  sayğacın  davasını...
Sözün düzü, adamm belə mövzuda  yazmaq üçün söz tapmağa çətinlik çəkir. 
Görəsən, baytar-icra başçısı başa düşmür ki, şəhidlər olmasaydı, onun kimi icra başçıların talehinin necə olacağı məlum deyildi ? 
Görəsən, xalqın hesabına milyonlar qazanan icra başçısı 4-5 manat  su pulundan utanıb qızarmır ? 
Bəli, şəhidin qardaşı deyir ki, doğum  günündə qardaşım - Vətən müharibəsi şəhidi Hacıyev Sərxan Eldar oğlunun xatirəsini əbədiləşdirmək üçün doğulduğu Qobustan rayonunda bulaq kompleksi tikmək istəyirik. 
Ancaq  icra hakimiyyəti buna icazə vermir. İcra başçısı deyib ki, siz tikdirsəniz o biri şəhid ailələri də tələb edəcək. 
Olsun də, cənab Adil Məmmədov. O biri şəhidlərin xatirəsinə bulaq tikilsə  daha savab olar. 
Bəlkə, satmağa torpaq qalmayacaq, cənab başçı ? 
Axı, şəhid bulağının tikintisi  üçün nə qədər yer lazımdır ? 
 İcra hakimiyyətində bildiriblər ki, şəhid bulağındakı istifadə olunan suyun pulunu kim verəcək ? 
Vallah çəkiləsi dərd deyil. 
Şəhidin qardaşı deyir ki, bütün xərcləri özümüz, ailəmiz çəkəcəyik, suyun pulunu da özümüz ödəyəcəyik. 
Yenə “yox”  cavabı verirlər. 
Şəhidin anası rayonun deputatının qəbulunda olur, dərdini deyir. 
Deputat deyir ki, bunun üçün bələdiyyədən sənəd almalısınız  və digər məsələlər. 
Deputat da soruşur ki, sayğacın pulunu kim verəcək ?
Ana cavab verir ki, hər şeyi özüm edəcəm. Yenə deputat konkret cavab vermir. 
Ana oğlunun oxuduğu məktəbin oğlunun adına verilməsini istəyir. Deputat deyir ki, bu məsələ mənlik deyil. 
Məktəb məsələsi ilə bağlı icra başçısı cavab verib ki, mənlik deyil, Təhsil Nazirliyinə yazın. 
Məlumat üçün qüyd edək ki, İkinci Qarabağ müharibəsində şəhid olan Sərxan Hacıyev Silahlı Qüvvələrdə “MAXE” kimi xidmət göstərib. Ötən il oktyabrın 23-də  Füzuli uğrunda gedən döyüşlərdə kürəyindən qəlpə yarası alıb və bir həftə neytral ərazidə qaldıqdan sonra nəşini götürmək mümkün olub. “Füzulinin azad olunmasına görə”, “Cəsur döyüşçü” və “Vətən uğrunda” medalları ilə təltif olunub.
İndi görək şəhidə bir bulaq qıymayan icra başçısı milyonları necə qazanır ? 
2020-cu ildə Qobustan rayonunda dövlət qurumları tərəfindən ümumi məbləği 5 milyon 220 min 821 manat məbləğində 17 tender keçirilib.
Biləsuvar şəhərindəki Milli Qəhrəman Mübariz İbrahimovun adına olan küçənin abadlaşdırılmasına  3 milyon manat vəsait xərclənib. 
Bəli, bir küçənin abadlaşdırılmasına  3 milyon manat...
Daha yazmağa söz qalmadı...Sözün bitdiyi yer.

P.S Yazıda adı çəkilən bütün şəxslərin mövqeyini dərc edə bilərik.

Oxşar xəbərlər

Ramiz Mehdiyevin 25 illik kadrı işdən çıxarılır? - İDDİA
Azərbaycanın ən uzun ömürlü icra başçıları: onlar kimdirlər? - SİYAHI
Bu arada hansı icra başçılarına “qırmızı kart” göstəriləcək? – SİYAHI
Azərbaycanda sabiq icra başçısı dünyasını dəyişdi
Qobustanda şübhəli əməliyyatlar... - Büdcə pulları belə xırıd edilir...
Koronavirusdan ölən icra başçısı dəfn olundu
Sabiq məmur vəfat edib
Nizaməddin Quliyevin işdən çıxarılan kadrının yerinə TƏYİNAT
Azərbaycanda icra başçısı dünyasını DƏYİŞDİ
İcra başçısı Şuşa fatehinə qadın paltarı bağışladı
Azərbaycanda icra başçısı məhkəməyə verildi
Keçmiş başçının oğlu icra hakimiyyətində birinci müavin oldu - Neftçalada
Azərbaycanda icra başçısı belə tutuldu - ANBAAN VİDEO
Həbs edilən sabiq icra başçılarının əvvəlki iş yerləri - Tamada, zootexnik, ofisiant...
Alimpaşa Məmmədovun vəzifəsi bu şəxsə TAPŞIRILDI
Yeni icra başçısı köməkçisini özünə birinci müavin təyin etdi
Ağdamın icra başçısı ilə bağlı sərxoşluq iddiasına CAVAB
Bir neçə rayon rəhbəri ilə bağlı İDDİA - SİYAHI
Kəlbəcərin icra başçısı müavinini və köməkçisini İŞDƏN ÇIXARDI
Yeni icra başçısı özünə köməkçi TƏYİN ETDİ
Yeni icra başçısı Mahir Quliyevin kadrlarını İŞDƏN ÇIXARDI - FOTO
Yeni icra başçısı müavinlərini və köməkçisini İŞDƏN ÇIXARDI
Azərbaycanda sabiq icra başçısı dünyasını dəyişdi
Alimpaşa Məmmədov məhkəməyə gətirildi
İcra başçısı ilə birgə saxlanılan müavinləri - FOTO
Sabiq icra başçısı vəfat etdi
Tutulan sabiq icra başçısı məhkəməyə gətirildi
İcra başçısı şöbə müdirini İŞDƏN ÇIXARDI
DTX-nın həbs etdiyi sabiq icra başçısı vəkilindən imtina etdi
İcra başçısı həbs olunan rayonun məmuru intihar etdi