Bu gün 41 şəhər və rayonda qəbul imtahanları keçirilib — Yenilənib
10-07-2020, 17:06
648

Bu gün 41 şəhər və rayonda qəbul imtahanları keçirilib — Yenilənib

Dövlət İmtahan Mərkəzi iyulun 10-da sərtləşdirilmiş karantin rejimi tətbiq olunmayan şəhər və rayonlarda qəbul imtahanları keçirilib...

DİM-dən verilən xəbərə görə, Mərkəz tərəfindən pandemiya şəraitinin tələblərinə əsasən iştirakçıların yalnız tibbi maska ilə imtahan binasına daxil olmasına icazə verilib. Buraxılış rejimi yeni qaydalara uyğun şəkildə tənzimlənib, imtahan heyəti müvafiq qoruyucu vasitələrlə (xüsusi geyim, əlcək, üz sipəri, tibbi maska) təmin olunub.
İmtahanların təşkil edilməsi üçün ümumilikdə 49 imtahan binası, 740 imtahan zalı ayrılıb. İmtahanların idarə olunmasına 49 ümumi imtahan rəhbəri, 121 imtahan rəhbəri, 965 nəzarətçi–müəllim, 98 buraxılışı təşkil edən əməkdaş, 49 bina nümayəndəsi ayrılıb.
Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib. İmtahan keçirilən binaların qarşısında sırada gözləmək üçün nişanlayıcı xətlər çəkilib. İmtahan binasına buraxılış rejiminin növbə ilə – lazımi sosial məsafəni gözləməklə təşkil edilməsinə nail olunub.
İmtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub. İmtahana gələn iştirakçıların bədən hərarətləri normaya uyğun olub.
İlkin məlumatlara əsasən 2 nəfərdə mobil telefon aşkarlandığı üçün imtahandan xaric olunub.
İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub. Bütün binalarda imtahan təlimata uyğun şəkildə keçirilib, iştirakçılara öz bilik səviyyələrini nümayiş etdirmələri üçün zəruri şərait yaradılıb.
Dövlət İmtahan Mərkəzinin bütün inzibati binalarında şənbə və bazar günləri dezinfeksiya işləri aparılacağı üçün DİM-də imtahan protokollarının və cavab vərəqlərinin emalına iyulun 13-dən etibarən başlanılacaq.
Əvvəlki illərin məzunları üçün I-IV ixtisas qrupları üzrə ali təhsil müəssisələrinə qəbul imtahanının 1-ci mərhələsində, V ixtisas qrupu və tam (11 illik) orta təhsil bazasında orta ixtisas təhsili müəssisələrinə qəbul imtahanlarında, həmçinin cari ilin məzunları üçün əlavə xarici dil imtahanlarında istifadə olunan açıq tipli tapşırıqların yoxlanılması uzun müddət tələb etdiyindən nəticələrin 3 həftə ərzində elan olunması nəzərdə tutulur.
9-cu sinif üzrə buraxılış (qəbul) imtahanları, Azərbaycan dili (dövlət dili) imtahanlarının nəticələri isə yaxın 5 gün ərzində elan olanacaq.
*** 09:28
Dövlət İmtahan Mərkəzi bu gün karantin rejimi sərtləşdirilməyən şəhər və rayonlarda əvvəlki illərin məzunları üçün I-IV ixtisas qrupları üzrə ali təhsil müəssisələrinin qəbul imtahanının birinci mərhələsi, həmçinin V ixtisas qrupu və 11 illik bazada kolleclərə qəbul imtahanı keçirir.
Dövlət İmtahan Mərkəzindən verilən məlumata görə, İmtahanlar sərtləşdirilmiş karantin rejimi tətbiq olunmayan 41 şəhər və rayonda – AğdaşGöyçayQazaxQobustanQusarAğstafaAğsuKürdəmirQəbələŞabranAğdamBeyləqanGədəbəyHacıqabulLerikSabirabadSalyanTovuzAstaraBiləsuvarFüzuliİmişliNeftçalaŞəmkirTərtərYardımlıİsmayıllıQaxUcarXızıZaqatalaBalakənOğuz, Quba, ŞamaxıZərdabAğcabədiDaşkəsən, Şirvan, Naftalan, Saatlıda keçirilir.
İmtahanda yalnız ali və ya orta ixtisas təhsili müəssisələrinə qəbul olmaq üçün elektron ərizələrini təsdiq etmiş (etdirmiş) abituriyentlər iştirak edə bilərlər.
Qeyd edək ki, ali və ya orta ixtisas təhsili müəssisələrinə qəbul olmaq üçün sənəd verən, lakin 10, 11, 18 və ya 19 iyun tarixlərində yuxarıda qeyd olunan rayon və şəhərlərdə keçirilmiş buraxılış (qəbul) imtahanlarında üzrlü səbəbdən iştirak edə bilməyən və bununla bağlı Dövlət İmtahan Mərkəzinə müraciət edən cari ilin məzunları (9-cu və 11-ci sinif) da imtahan verirlər.
Bundan əlavə, bu gün imtahan keçirilən şəhər və rayonlarda ali və ya orta ixtisas təhsili müəssisələrinin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı, həmçinin qəbul imtahanını buraxılış imtahanında verdiyi dildən fərqli dil üzrə vermək istəyən cari ilin məzunları üçün əlavə imtahan da (Azərbaycan və ya rus dili) keçirilir.
Xatırladaq ki, həmişə olduğu kimi, əvvəlki illərin məzunları şəxsi kabinetlərində faktiki yaşadıqları ünvanı qeyd etdikləri halda, yaşadıqları ünvanın aid olduğu yerə uyğun, əks halda, şəxsiyyət vəsiqəsində qeyd olunmuş ünvanın aid olduğu yerə uyğun rayonda (şəhərdə) imtahan verirlər. Cari ilin məzunları isə bitirdikləri məktəbin yerləşdiyi yerə uyğun rayonda (şəhərdə) imtahan verirlər.
Digər şəhər və rayonlar üzrə keçiriləcək buraxılış (qəbul) imtahanlarının tarixləri barədə məlumat veriləcəkdir.
gundelik-baku.com

Oxşar xəbərlər

2 nəfər yüksək hərarətə görə imtahan buraxılmadı
Qəbul imtahanları başlayıb
Bir nəfər yüksək hərarətə görə imtahana buraxılmadı
Bu gün 20 mindən çox şagird buraxılış imtahanı verir
Azərbaycanda buraxılış imtahanlarının keçirilməsinə başlanılır
Bu gün 25 mindən çox şagird buraxılış imtahanı verəcək
Sabahkı imtahanlarda 4 606 nəfər iştirak edəcək
DİM yekun qiymətləndirmə imtahanlarında iştirak etməyənlər üçün buraxılış imtahanları keçirəcək - Diqqət!
DİM avqustun 27-də növbəti imtahanlar keçirəcək
“9-cu və 11-ci sinif şagirdləri üçün yenidən buraxılış imtahanları keçiriləcək” –DİM
Bu gün növbəti imtahanlar keçiriləcək - DİM
Qabiliyyət imtahanlarında iştirak edəcək abituriyentlər buraxılış vərəqələrini çap edə bilərlər
Növbəti qəbul imtahanlarının cədvəli açıqlandı
Qəbul imtahanları ilə bağlı vacib xəbər
Üzərində telefon aşkarlanan 3 nəfər imtahandan xaric edildi
DİM: Bu il imtahan günlərinin sayı artacaq
Bu gün 19 mindən çox abituriyent qəbul imtahanı verəcək
DSX Xüsusi Məktəbinin V sinfinə qəbul imtahanı keçiriləcək
Bu gün I və IV ixtisas qrupları üzrə qəbul imtahanları keçirilir
DİM abituriyentlərə müraciət edib
Azərbaycanda şagirdlər açıq havada imtahan verdi
Martın 1-də keçirilən buraxılış imtahanı üzrə ballar 100 ballıq şkalaya keçirilib
Buraxılış imtahanlarının nəticəsi nə vaxt bilinəcək? - RƏSMİ
DİM sədri: “23-24 iyulda keçirilməsi nəzərdə tutulan imtahanlarda 60 min şəxs iştirak edəcək”
"Yenidən imtahan keçirilməyəcək" - DİM
Tədris ilinin sonunadək dərslərin keçirilməsi nəzərdə tutulmur - RƏSMİ
Karantin bitdikdən sonra sənəd qəbulunun və imtahanların tarixləri elan ediləcək
Azərbaycanda bu şagirdlər onlayn imtahan verəcəklər - AÇIQLAMA
Azərbaycanın bu rayonundan ali məktəbə imtahan verən əkizlər əkiz bal topladı
DİM Ombudsmanın məktubuna cavab verib