Qəbul imtahanları ilə bağlı vacib xəbər
19-07-2020, 12:31
303

Qəbul imtahanları ilə bağlı vacib xəbər

Dövlət İmtahan Mərkəzi  tərəfindən 23-24 iyul 2020-ci il tarixlərində keçiriləcək buraxılış (qəbul) imtahanlarının qrafiki elan olunub.
DİM-dən APA-ya verilən məlumata görə, 23-24 iyul tarixlərində imtahan keçiriləcək rayon və şəhərlər,  imtahanda iştirak etməli olan şəxslər və imtahanların növləri ilə qrafikdə tanış olmaq mümkündür.
Xatırladaq ki, sərtləşdirilmiş karantin rejimi tətbiq olunan şəhər və rayonlarda imtahanların keçirilməsi ilə bağlı Dövlət İmtahan Mərkəzinin Direktorlar Şurasının müraciətinə Nazirlər Kabineti yanında Operativ Qərargah tərəfindən müsbət cavab verilib və imtahanlar pandemiya şəraiti və xüsusi karantin rejimi tələblərinə uyğun olaraq təşkil ediləcək.
Bu imtahanlarda iştirakçıların kütləviliyinin azaldılması məqsədilə kolleclərə (və ya hərbi liseylərə) ərizə verməyən 9-cu sinif şagirdləri iştirak etməyəcəklər. Bu şagirdlər üçün buraxılış imtahanı sentyabr ayında keçiriləcək.
Qeyd edək ki, 11 illik orta təhsil bazasında kolleclərə, eləcə də ali təhsil müəssisələrinə sənəd verməyən şagirdlər üçün “İmtahana buraxılış vərəqəsi” qoyulsa da, ictimai sağlamlığın qorunması ilə bağlı həyata keçirilən tədbirlərə uyğun olaraq onlar iyul ayında keçirilən buraxılış imtahanlarında iştirak etməyə bilərlər. Həmin şagirdlər buraxılış imtahanını sentyabr ayında verə bilərlər.
"İmtahana buraxılış vərəqəsi" gün ərzində DİM-in saytında yerləşdiriləcək.
23-24 iyul 2020-ci il tarixlərində:
• 11-ci sinif üzrə buraxılış imtahanları;
• Əvvəlki illərin məzunları üçün I-IV ixtisas qrupları üzrə ali təhsil müəssisələrinə qəbul imtahanının 1-ci mərhələsi, V ixtisas qrupu və tam (11 illik) orta təhsil bazasında kolleclərə qəbul imtahanları;
• Azərbaycan dilindən fərqli dildə təhsil alan 11-ci sinif (cari və əvvəlki illər) məzunları və kollecə sənəd verən 9-cu sinif (cari və əvvəlki illər) məzunları üçün Azərbaycan dili (dövlət dili) imtahanları;
• Ümumi (9 illik) orta təhsil bazasında kolleclərə qəbul olmaq istəyən cari və əvvəlki illərin məzunları üçün qəbul imtahanları keçiriləcək.
Qeydlər:
- Digər şəhər və rayonlar üzrə imtahanlar ictimaiyyətə əvvəlcədən məlumat verilməklə növbəti həftə içi günlərində keçiriləcək.
- Həmişə olduğu kimi cari ilin məzunları bitirdikləri məktəbin yerləşdiyi yerə uyğun rayonda (şəhərdə) imtahan verirlər. Əvvəlki illərin məzunları isə şəxsi kabinetlərində faktiki yaşadıqları ünvanı qeyd etdikləri halda, yaşadıqları ünvanın aid olduğu yerə uyğun, əks halda, şəxsiyyət vəsiqəsində qeyd olunmuş ünvanın aid olduğu yerə uyğun rayonda (şəhərdə) imtahan verirlər.
- İmtahan keçiriləcək tarixlərdə sərtləşdirilmiş karantin rejimi tətbiq olunan bölgələrdəki imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək. Belə ki, imtahan iştirakçısı “İmtahana buraxılış vərəqəsi” ilə bir yerdə onu müşayiət edəcək 1 nəfər üçün arayış da çap edə bilər. Arayış imtahan iştirakçısı tərəfindən doldurulmalı və imza ilə təsdiqlənməlidir. Arayış yoxlama zamanı şəxsiyyət vəsiqəsi ilə birlikdə təqdim edilir və imtahan iştirakçısının özü iştirak etdikdə (imtahan binasının yaxınlığında gözləmək istisna olmaqla) və onun müvafiq sənədləri (şəxsiyyət vəsiqəsi, imtahana buraxılış vərəqəsi) təqdim edildikdə etibarlıdır. Yoxlama zamanı zərurət yarandıqda QR kodundan istifadə olunur. Diqqət! Bir imtahan iştirakçısını birdən artıq şəxs müşayiət edə bilməz. 
- Məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixlərdə imtahan verirlər.
- Xüsusi məktəblərə (Bakı) – internat məktəbləri, cəzaçəkmə müəssisələrində yerləşən məktəblər aiddir.
- İmtahana buraxılış vərəqələri gün ərzində DİM-in saytında yerləşdiriləcək.
  • Dövlət İmtahan Mərkəzi və Müdafiə Nazirliyinin birgə razılığına əsasən bu il C.Naxçıvanski adına Hərbi liseyə qəbul olmaq üçün sənəd verənlər ayrıca qəbul imtahanı vermirlər və onlar müsabiqədə 9-cu sinif buraxılış imtahanında topladıqları bal əsasında iştirak edəcəklər. Hərbi Liseyə qəbul olmaq istəyən və buraxılış imtahanı verməyən şəxslər şəhər və rayonların qrafikinə uyğun imtahanlarda iştirak etməlidirlər.

Oxşar xəbərlər

Növbəti qəbul imtahanlarının cədvəli açıqlandı
Bu gün 25 mindən çox şagird buraxılış imtahanı verəcək
Azərbaycanda buraxılış imtahanlarının keçirilməsinə başlanılır
Qəbul imtahanları başlayıb
DİM sədri: “23-24 iyulda keçirilməsi nəzərdə tutulan imtahanlarda 60 min şəxs iştirak edəcək”
Azərbaycanda bu şagirdlər onlayn imtahan verəcəklər - AÇIQLAMA
Martın 1-də keçirilən buraxılış imtahanı üzrə ballar 100 ballıq şkalaya keçirilib
DİM abituriyentlərə müraciət edib
Bu şəxslər sentyabrda imtahan verəcək - RƏSMİ + VİDEO
Bir nəfər yüksək hərarətə görə imtahana buraxılmadı
Buraxılış imtahanlarının nəticəsi nə vaxt bilinəcək? - RƏSMİ
Bu gün 41 şəhər və rayonda qəbul imtahanları keçirilib — Yenilənib
Kolleclərə də sənəd qəbulu başlayır
Sabahkı imtahanlarda 4 606 nəfər iştirak edəcək
2 nəfər yüksək hərarətə görə imtahan buraxılmadı
Abituriyent və subbakalavrların nəzərinə
DSX Xüsusi Məktəbinin V sinfinə qəbul imtahanı keçiriləcək
Bu gün növbəti imtahanlar keçiriləcək - DİM
Qəbul imtahanlarının ilkin tarixi açıqlandı
DİM avqustun 27-də növbəti imtahanlar keçirəcək
Karantin bitdikdən sonra sənəd qəbulunun və imtahanların tarixləri elan ediləcək
DİM-dən xaricə oxumağa getmək istəyən məzunlarla bağlı açıqlama
"Yenidən imtahan keçirilməyəcək" - DİM
Qəbul imtahanlarının vaxtı açıqlandı — RƏSMİ AÇIQLAMA
Buraxılış imtahanlarında iştirak edə bilməyənlərə yenidən şans veriləcək? - RƏSMİ
Liseylərə qəbul imtahanları keçirilir
DİM: Bəzi ixtisaslara qabiliyyət imtahanları keçirilməyəcək - Diqqət!
Sınaq imtahanı pulsuz oldu
Yerdəyişmə müsabiqəsində hansı müəllimlər iştirak edə bilməyəcək?
Üzərində telefon aşkarlanan 3 nəfər imtahandan xaric edildi