"Yenidən imtahan keçirilməyəcək" - DİM
11-08-2020, 11:30
249

"Yenidən imtahan keçirilməyəcək" - DİM

Yazıçı Nicat Həşimzadə Dövlət İmtahan Mərkəzi (DİM) Direktorlar Şurasının sədri Məleykə Abbaszadəyə müraciət edib.

APA-nın məlumatına görə, yazıçısı müraciətində qeyd edib ki, yaxın qohumu olan 17 yaşlı abituriyent koronavirusa yoluxduğu üçün ali məktəblərə qəbul imtahanında iştirak edə bilməyəcək. O, M. Abbaszadədən belə halla qarşılaşan şəxslərin nəzərə alınmasını, onlar üçün yenidən imtahan təşkil olunmasını istəyir.

DİM-dən ona virusa yoluxan abituriyentlər üçün təkrar imtahan keçirilməyəcəyinin bildirildiyini qeyd edən yazıçı bu qərarı ədalətsiz hesab edir: “Mənim yaxın qohumumun bütün ailəsi xəstəliyə yoluxub. Atası 40 gün ərzində Rusiyada iki dəfə ağır ürək əməliyyatı keçirib. Anasının bir gözü görmür, əlildir. Siz axı niyə belə ədalətsiz qərar verərək onsuz da bu cür ağır vəziyyətdə olan ailələrə daha da böyük zərbə vurursunuz. Onu da nəzərinizə çatdırım ki, təkrar imtahan olmayacağını eşidən qohumum intihar etmək istəyir”.

Yazıçının sözlərinə görə, qohumu dəfələrlə tarix və coğrafiya fənləri üzrə məktəblərarası olimpiadalarda yüksək yerlər tutub.

“İndi bu uşaq virusa yoluxub deyə, imtahanda iştirak edə bilmir və siz də təkrar qəbul imtahanı təşkil etmək istəmirsiniz. Belə məlum olur ki, bu uşaq imtahan vermədən hərbi xidmətə getməlidir”, - deyə o qeyd edib.

Dövlət İmtahan Mərkəzindən isə APA-ya bildirilib ki, DİM tərəfindən iyun ayının 10-dan etibarən keçirilən bütün buraxılış (qəbul) imtahanları pandemiya şəraitinin tələblərinə uyğun təşkil olunub: “İmtahan özlüyündə kütləvi prosesdir, on minlərlə insan iştirak edir. Bizim əsas məqsədimiz, hamı üçün tam təhlükəsiz şəraitdə imtahanların keçirilməsi olub. Buna görə də imtahanlar zamanı iştirakçılar sağlamlıq haqqında bəyannamə təqdim edib və binaya daxil olarkən bədən temperaturları ölçülüb. Bədən temperaturunun yüksək olduğu üçün imtahana buraxılmama halı olubsa, hər imtahandan sonra bununla bağlı məlumat verilib. Ümumilikdə, iyun-iyul ayları ərzində keçirilən imtahanlarda 40-a yaxın belə hal olub.

Qeyd edək ki, indiyə qədər bu imtahanlarda temperatur, eləcə də digər üzrlü səbəbdən iştirak edə bilməyənlər üçün DİM-ə tam sağlam olduqları haqqında arayış təqdim etdikdən sonra növbəti imtahan günlərinin birində imtahan verməsi üçün şərait yaradılıb. Onlar da gəlib imtahan veriblər. Çünki buraxılış (qəbul) imtahanları bir neçə dəfə keçirilib (müxtəlif şəhər və rayonlar üzrə) və ay yarımdan artıq davam edib. Buna görə də həmin şəxslərin də imtahan verməsi üçün imkan yaradılıb”.

DİM-dən bildirilib ki, bu il pandemiya şəraitinə görə qəbul imtahanlarının 2 dəfə keçirilməsi təxirə salınıb: “İndiki halda əlavə qəbul imtahanlarının keçirilməsi üçün vaxt yoxdur və qəbul imtahanlarında hər hansı bir səbəbdən iştirak edə bilməyənlər üçün yenidən imtahanların keçirilməsi mümkün deyil”.

O da qeyd olunub ki, qəbul kampaniyası bir-birinə zəncirvari şəkildə bağlı olan mürəkkəb prosesdir və təkcə imtahandan ibarət deyil: “İmtahandan sonra iştirakçıların materialları emal edilməli, nəticələri açıqlanmalıdır. Bundan sonra isə abituriyentlər ixtisas seçimi etməlidirlər ki, müsabiqə həyata keçirilsin. Növbəti mərhələdə isə qəbul olunanlar qeydiyyatdan keçməlidirlər. Göründüyü kimi, bir mərhələdən sonra növbəti mərhələ başlayır və bu proses gecikdirilə bilməz. Hər hansı bir mərhələdə ləngimə ümumi prosesə təsir edir və məqsədəuyğun hesab olunmur”.

Oxşar xəbərlər

DİM-dən xaricə oxumağa getmək istəyən məzunlarla bağlı açıqlama
DİM abituriyentlərə müraciət edib
DİM: Bu il imtahan günlərinin sayı artacaq
Azərbaycanda bu şagirdlər onlayn imtahan verəcəklər - AÇIQLAMA
Bu gün 20 mindən çox şagird buraxılış imtahanı verir
Azərbaycanda buraxılış imtahanlarının keçirilməsinə başlanılır
DİM sədri: “Yanlış məlumatlar yayanlara inanmayın”
DİM Ombudsmanın məktubuna cavab verib
Akademik borcu olan tələbələrin NƏZƏRİNƏ - Təkrar imtahan vermək üçün...
Ombudsman Məleykə Abbaszadəyə müraciət etdi
Məleykə Abbaszadə abituriyent və valideynlərə müraciət edib
DİM sədri oğlanın Qızlar Universitetinə qəbul olmasından danışdı
Qəbul imtahanları başlayıb
Qabiliyyət imtahanlarında iştirak edəcək abituriyentlər buraxılış vərəqələrini çap edə bilərlər
Bu şəxslər sentyabrda imtahan verəcək - RƏSMİ + VİDEO
Qəbul imtahanlarının vaxtı açıqlandı — RƏSMİ AÇIQLAMA
DİM sədri: “23-24 iyulda keçirilməsi nəzərdə tutulan imtahanlarda 60 min şəxs iştirak edəcək”
DİM sədri elektron ərizə qəbuluna münasibət bildirdi
Təhsil Nazirliyi MİQ imtahanında iştirak edən namizədlərə müraciət etdi
Növbəti qəbul imtahanlarının cədvəli açıqlandı
Bir nəfər yüksək hərarətə görə imtahana buraxılmadı
Məleykə Abbaszadə: "Düzgün seçim eləsələr, hamısı qəbul olunacaq"
“Jurnalistika” ixtisasına qəbul qaydaları açıqlandı - Detallar
Azərbaycanın bu rayonundan ali məktəbə imtahan verən əkizlər əkiz bal topladı
V qrupda qabiliyyət imtahanları ləğv olundu - ballar artırıldı
Bu gün 25 mindən çox şagird buraxılış imtahanı verəcək
Məleykə Abbaszadədən valideynlərə ÇAĞIRIŞ
Martın 1-də keçirilən buraxılış imtahanı üzrə ballar 100 ballıq şkalaya keçirilib
DİM 600-dən çox bal toplayanların sayını açıqladı
Magistraturaya qabiliyyət imtahanında iştirak etmək üçün qeydiyyat müddəti uzadıldı