DİM-in müraciəti yayılıb: “Abituriyentləri aldadırlar”
20-08-2020, 11:04
234

DİM-in müraciəti yayılıb: “Abituriyentləri aldadırlar”

Dövlət İmtahan Mərkəzi (DİM) sosial şəbəkə istifadəçilərinə müraciət edib.
DİM-in müraciətində deyilir ki, ali təhsil müəssisələrinə ixtisas seçimi yaxınlaşdıqca yenə də “Facebook” və xüsusilə “Instagram” sosial şəbəkələrində Dövlət İmtahan Mərkəzinin icazəsi olmadan Mərkəzin adından və loqotipindən (emblemindən) istifadə olunmaqla bir neçə saxta səhifə və qrup yaradılıb: "Bu kimi səhifə və qruplar “profil” şəkli və “örtük” fotoları üçün Mərkəzin loqotipindən (emblemindən) istifadə etməklə istifadəçiləri aldadır, öz fəaliyyətlərinə rəsmi xarakter verməyə çalışır, səhifəni idarə edən şəxslər özlərini DİM əməkdaşları kimi təqdim edirlər və abituriyentlərə ödəniş müqabilində ixtisas seçimi həyata keçirə biləcəklərini yazırlar.
İstifadəçilərin ünvanladığı suallara həmin şəxslərin verdikləri cavablara diqqət yetirdikdə onların abituriyentləri səhv istiqamətə yönəltdikləri, yanlış cavablar verdikləri məlum olur.
Abituriyentlər ixtisas seçimi zamanı diqqətli olmalı, Mərkəzin adından istifadə edən bu tip şəxslərin aldadıcı çağırışlarına əhəmiyyət verməməli və ən əsası özləri bu prosesi həyata keçirməlidirlər.
İxtisas seçimi zamanı abituriyentlər bəzən hər hansı texniki səhvə yol verəcəklərindən ehtiyatlanırlar. Lakin proqram təminatı elə qurulub ki, abituriyentin səhv etmək imkanı yoxdur və ərizəni yadda saxladıqda hər hansı bir yanlışlıq varsa, sistem tərəfindən səhvin mahiyyəti barədə xəbərdarlıq edilir və yalnız həmin səhv düzəldildikdən sonra ərizəni təsdiq etmək mümkün olur.
“Abituriyentin elektron ixtisas seçimi ərizəsi”nin doldurulma qaydası yaxın vaxtlarda çap olunacaq “Abituriyent” 4 jurnalında veriləcək. Burada, həmçinin qəbul aparılan ixtisaslar, onların kodları göstəriləcək".
Məlumatda həmçinin bildirilir ki, qəbul imtahanlarının nəticələri elan olunduqda sonra isə hər ixtisas qrupu üzrə ayrıca “İxtisas seçimi zamanı nələrə diqqət yetirməli?” adlı vəsaitlər nəşr olunacaq. Burada abituriyentlərin imtahan ballarının paylanması, eləcə də ali təhsil müəssisələrinə ixtisas qrupu üzrə qəbul planı, dövlət sifarişi üzrə yerlərin sayı, müsabiqə şərtləri və digər zəruri məlumatlar təqdim olunacaq: "Bundan əlavə, hər il olduğu kimi bu il də Abituriyent Məsləhət Mərkəzlərinin fəaliyyət göstərməsi təmin ediləcək. Hazırda həmin mərkəzlərin pandemiya şəraitinin tələblərinə uyğun fəaliyyətinin təşkili ilə bağlı tədbirlər həyata keçirilir.
Müsabiqədə iştirak edənlər “Abituriyentin elektron ixtisas seçimi ərizəsi”nin doldurulma və təsdiq edilmə qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz fəaliyyət göstərən “Məsləhət mərkəzləri”nə müraciət edə bilərlər. Məsləhət mərkəzləri Dövlət İmtahan Mərkəzinin regional bölmələrində, Qərbi Kaspi, AzərbaycanBakı Biznes, Odlar Yurdu, Kooperasiya Universitetlərində və rayon təhsil şəbələrində ixtisas seçimi başa çatanadək fəaliyyət göstərəcəklər.
Bir daha sosial şəbəkə istifadəçilərinə diqqətli olmağı və Dövlət İmtahan Mərkəzinin adından yaradılmış oxşar səhifə və qruplara üzv olmamağı, yalnız Mərkəzin saytını və aşağıdakı səhifələrini izləməyi tövsiyə edirik.
Mərkəzin 197 mindən artıq izləyicisi olan “Facebook” (https://www.facebook.com/stateexamcenter/ ) və 31 mindən artıq izləyicisi olan “Instagram” (https://www.instagram.com/stateexamcenter/) hesabı fəaliyyət göstərir. Bundan əlavə, DİM-in “Twitter” (https://twitter.com/stateexamcenter) və “Telegram” (https://t.me/stateexamcenter) hesabları da mövcuddur"

Oxşar xəbərlər

“Jurnalistika” ixtisasına qəbul qaydaları açıqlandı - Detallar
Karantin bitdikdən sonra sənəd qəbulunun və imtahanların tarixləri elan ediləcək
Təhsil Nazirliyi peşə təhsili müəssisələrinə daxil olanlara müraciət edib
DİM abituriyentlərə müraciət edib
Abituriyent və subbakalavrların nəzərinə
İslamşünaslıq ixtisasına qəbul olmaq istəyənlərin nəzərinə
Bugünkü imtahanın test tapşırıqlarının düzgün cavabları açıqlandı
Qəbul imtahanları başlayıb
Sosial həssas qrupdan olan tələbələrin qeydiyyatı sabah yekunlaşacaq - Diqqət!
Azərbaycanda buraxılış imtahanlarının keçirilməsinə başlanılır
2 nəfər yüksək hərarətə görə imtahan buraxılmadı
Bir nəfər yüksək hərarətə görə imtahana buraxılmadı
Üzərində telefon aşkarlanan 3 nəfər imtahandan xaric edildi
Qabiliyyət imtahanlarında iştirak edəcək abituriyentlər buraxılış vərəqələrini çap edə bilərlər
Azərbaycanda bu şagirdlər onlayn imtahan verəcəklər - AÇIQLAMA
Qəbul imtahanlarının vaxtı açıqlandı — RƏSMİ AÇIQLAMA
DİM-dən AÇIQLAMA: "Özəl ali məktəblərə qəbul olanlar..."
DİM: Özəl ali məktəblərə qəbul olunanlar, əsasən, dövlət məktəblərinə daxil ola bilməyənlərdir
Sabahkı imtahanlarda 4 606 nəfər iştirak edəcək
“Çaşdırıcı cavablar, çətin suallar”-qəbul imtahanları bitsə də, şikayətlər səngimir
Bugünkü imtahanın test tapşırıqlarının düzgün cavabları açıqlandı
Qabiliyyət imtahanlarına qeydiyyat başa çatıb
Ombudsman Məleykə Abbaszadəyə müraciət etdi
Bu gündən ali təhsil müəssisələrinə sənəd qəbulu başlayır
Qəbul imtahanlarında ən yüksək nəticə göstərən məktəblər açıqlanıb
"Yenidən imtahan keçirilməyəcək" - DİM
DİM: Bəzi ixtisaslara qabiliyyət imtahanları keçirilməyəcək - Diqqət!
Növbəti qəbul imtahanlarının cədvəli açıqlandı
Bu gün 41 şəhər və rayonda qəbul imtahanları keçirilib — Yenilənib
DİM sədri elektron ərizə qəbuluna münasibət bildirdi