Bir nəfər yüksək hərarətə görə imtahana buraxılmadı
21-08-2020, 14:36
276

Bir nəfər yüksək hərarətə görə imtahana buraxılmadı

Dövlət İmtahan Mərkəzi tərəfindən 14 avqust 2020-ci il tarixində şəhər və rayonların imtahan qrafikinə uyğun olaraq I və IV ixtisas qrupları ali təhsil müəssisələrinə qəbul imtahanları, həmçinin II, III və V ixtisas qrupları üzrə ali təhsil müəssisələrinin və 9 illik təhsil bazasında kolleclərin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı, qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) keçirilib.
Gündəlik Bakı xəbər verir ki, Mərkəz tərəfindən pandemiya şəraitinin tələblərinə əsasən iştirakçıların yalnız tibbi maska ilə imtahan binasına daxil olmasına icazə verilib. Buraxılış rejimi yeni qaydalara uyğun şəkildə tənzimlənib, imtahan heyəti müvafiq qoruyucu vasitələrlə (xüsusi geyim, əlcək, üz sipəri, tibbi maska) təmin olunub.
İmtahanlar 19 şəhər və rayonda təşkil olunub.
İmtahanların təşkil edilməsi üçün ümumilikdə 75 imtahan binası, 1322 imtahan zalı ayrılıb. İmtahanların idarə olunmasına 75 ümumi imtahan rəhbəri, 227 imtahan rəhbəri, 1719 nəzarətçi–müəllim, 150 buraxılış rejimi əməkdaşı, 70 bina nümayəndəsi ayrılıb.
Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib. İmtahan keçirilən binaların qarşısında sırada gözləmək üçün nişanlayıcı xətlər çəkilib. İmtahan binasına buraxılış rejiminin növbə ilə – lazımi sosial məsafəni gözləməklə təşkil edilməsinə nail olunub.
İmtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub.
İlkin məlumatlara əsasən 1 nəfərin bədən hərarəti yüksək olduğu üçün binada olan təcili tibbi yardım üzrə həkimin rəyinə uyğun olaraq imtahana buraxılmayıb. 3 nəfərdə isə mobil telefon aşkarlandığı üçün imtahandan xaric olunub.
İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub. Bütün binalarda imtahan təlimata uyğun şəkildə keçirilib, iştirakçılara öz bilik səviyyələrini nümayiş etdirmələri üçün zəruri şərait yaradılıb.
Avqustun 22-dən etibarən DİM-də imtahan protokollarının, cavab vərəqləri və kartlarının emalı aparılacaq.
9 illik təhsil bazasında kolleclərin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı, qəbul imtahanını buraxılış imtahanında verdiyi dildən fərqli dil üzrə vermək istəyənlər üçün keçirilən əlavə imtahanların (Azərbaycan və ya rus dili) nəticələri yaxın 3 gün ərzində elan olunacaq.
Digər imtahanlarda istifadə olunan açıq tipli tapşırıqların yoxlanılması uzun müddət tələb etdiyindən nəticələrin yaxın 2 həftə ərzində elan olunması nəzərdə tutulur.
İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.
Qeyd edək ki, bu gün saat 16:00-da DİM-in “Facebook” səhifəsi və “Youtube” kanalı vasitəsi ilə canlı yayım ediləcək və Mərkəzin məsul əməkdaşları, ekspertlər tərəfindən 20-21 avqustda keçirilən imtahanlarda istifadə olunmuş test tapşırıqları və sualların düzgün cavabları ilə bağlı geniş izahat veriləcək.

Oxşar xəbərlər

DİM abituriyentlərə müraciət edib
Növbəti qəbul imtahanlarının cədvəli açıqlandı
2 nəfər yüksək hərarətə görə imtahan buraxılmadı
Qəbul imtahanları başlayıb
Bu gün 41 şəhər və rayonda qəbul imtahanları keçirilib — Yenilənib
Qəbul imtahanları ilə bağlı vacib xəbər
Azərbaycanda növbəti qəbul imtahanları keçirilir
Üzərində telefon aşkarlanan 3 nəfər imtahandan xaric edildi
Azərbaycanda buraxılış imtahanlarının keçirilməsinə başlanılır
Bu gün 25 mindən çox şagird buraxılış imtahanı verəcək
Martın 1-də keçirilən buraxılış imtahanı üzrə ballar 100 ballıq şkalaya keçirilib
Sabahkı imtahanlarda 4 606 nəfər iştirak edəcək
Abituriyent və subbakalavrların nəzərinə
Bu gün növbəti imtahanlar keçiriləcək - DİM
Hərarəti yüksək olan 1 nəfər imtahana buraxılmadı
DSX Xüsusi Məktəbinin V sinfinə qəbul imtahanı keçiriləcək
DİM avqustun 27-də növbəti imtahanlar keçirəcək
Buraxılış imtahanlarının nəticəsi nə vaxt bilinəcək? - RƏSMİ
DİM: Bəzi ixtisaslara qabiliyyət imtahanları keçirilməyəcək - Diqqət!
Bu gün 19 mindən çox abituriyent qəbul imtahanı verəcək
Bu gün I və IV ixtisas qrupları üzrə qəbul imtahanları keçirilir
Bu şəxslər sentyabrda imtahan verəcək - RƏSMİ + VİDEO
Azərbaycanda bu şagirdlər onlayn imtahan verəcəklər - AÇIQLAMA
Liseylərə qəbul imtahanları keçirilir
Magistraturaya qabiliyyət imtahanında iştirak etmək üçün qeydiyyat müddəti uzadıldı
“Jurnalistika” ixtisasına qəbul qaydaları açıqlandı - Detallar
Qabiliyyət imtahanında iştirak etmək istəyənlərin NƏZƏRİNƏ
DİM-dən xaricə oxumağa getmək istəyən məzunlarla bağlı açıqlama
Bugünkü imtahanın test tapşırıqlarının düzgün cavabları açıqlandı
Tədris ilinin sonunadək dərslərin keçirilməsi nəzərdə tutulmur - RƏSMİ