Ali təhsil müəssisələrinə qəbul nəticələri elan olunub - Yenilənib
24-09-2020, 10:12
216

Ali təhsil müəssisələrinə qəbul nəticələri elan olunub - Yenilənib

Dövlət İmtahan Mərkəzi (DİM) 2020/2021-ci tədris ili üçün Azərbaycan Respublikasının ali təhsil müəssisələrinə yerləşdirmənin nəticələrini elan edib.
DİM-dən verilən məlumata görə, abituriyentlər (həmçinin subbakalavrlar) müsabiqənin nəticələri haqqında məlumatı DİM-in internet saytından və ya mobil operatorlar (Azercell, Bakcell, Nar, Naxtel) vasitəsilə “iş nömrəsi”ni və ya elektron ixtisas seçimi ərizəsindəki “7 rəqəmli kod”u 7727 nömrəsinə göndərməklə öyrənə bilərlər.
Ali təhsil müəssisələrinə qəbul olunanların siyahısı "Abituriyent" jurnalının 7-ci sayında dərc olunması üçün sabah çapa veriləcək. Abituriyentlər jurnalları sentyabrın 25-dən etibarən əldə edə biləcəklər.
Dövlət İmtahan Mərkəzi tələbə adı qazanmış bütün gəncləri təbrik edir, onlara gələcək təhsillərində müvəffəqiyyətlər arzulayır.
Tələbə adı qazanmış şəxslər 2020-ci il sentyabrın 25-dən oktyabrın 7-dək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər. Abituriyentlərin qəbul olunduqları təhsil müəssisələrində qeydiyyatı ali təhsil müəssisələri tərəfindən onlayn qaydada həyata keçirilir.
Abituriyentlər ali təhsil müəssisələrinin internet saytlarının müvafiq bölmələrinə daxil olmaqla, qeydiyyat üçün tələb olunan sənədlər və onlayn qeydiyyat forması ilə tanış ola biləcəklər.
Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri ali məktəbə göndərilməyəcəkdir.
Ali təhsil müəssisələrinin müsabiqəsində 66 464 nəfər iştirak edib. Onlardan 42 731 nəfəri (o cümlədən 5 785 subbakalavr) ali təhsil müəssisələrinə qəbul olunub. 20 799 (o cümlədən 779 subbakalavr) nəfər dövlət sifarişi əsasında, 21 932 (o cümlədən 5 006 subbakalavr) nəfər isə ödənişli əsaslarla təhsil almaq hüququ əldə edib.
İxtisas qrupları üzrə qəbulun statistikası ilə aşağıdakı cədvəldə tanış ola bilərsiniz:

Xatırladaq ki, bu il 2 nəfər beynəlxalq fənn olimpiadası, 28 nəfər respublika fənn olimpiadası, 74 nəfər idman sahəsi üzrə beynəlxalq yarışların qalibi olduğu üçün, 10 nəfər beynəlxalq səviyyədə akkreditasiya olunan təhsil proqramları (IB Diploma Programme) üzrə təhsil aldığı üçün müsabiqədənkənar ali təhsil müəssisələrinə qəbul olunub.
160 abituriyent SAT imtahanının nəticələrinə əsasən, 30 abituriyent ADA məktəbinin məzunu kimi ADA Universitetinə qəbul olunub.
Bundan əlavə, I ixtisas qrupu 146 abituriyent Azərbaycan-Fransız Universitetinə (UFAZ), IV ixtisas qrupu üzrə 121 abituriyent İ.M.Seçenov adına Birinci Moskva Dövlət Tibb Universitetinin Bakı filialına, 110 abituriyent (I-IV ixtisas qrupları üzrə) M.V.Lomonosov adına Moskva Dövlət Universitetinin Bakı filialına qəbul olunub.
Ali təhsil müəssisələrinin boş qalan (vakant) plan yerlərinin siyahısı “Abituriyent” jurnalının 8-ci sayında dərc olunacaqdır.
Həmin yerlərə ixtisas seçimi sentyabrın 26-dan 30-dək internet vasitəsilə aparılacaq. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı orta ixtisas təhsili müəssisələrinin (kolleclərin) ixtisaslarının da kodlarını göstərə bilərlər. Orta ixtisas təhsili müəssisələrinin qəbul aparılan ixtisasları “Abituriyent” jurnalının 6-cı sayında dərc olunub. Jurnalı aşağıdakı ünvanlarda yerləşən “Abituriyent” satış köşklərindən almaq və ya www.abiturient.az saytından sifariş etmək olar:
Bakı şəhəri, Nəsimi rayonu, A.Salamzadə küçəsi, 28;
Bakı şəhəri, Yasamal rayonu, Mikayıl Müşfiq küçəsi, 1M.
***
Dövlət İmtahan Mərkəzi ali təhsil müəssisələrinə qəbul nəticələri açıqlanıb.
DİM-dən verilən məlumata görə, artıq abituriyentlərə ali məktəblərə qəbul olub-olmadıqları barədə sms göndərilir.

Oxşar xəbərlər

Ali məktəblərə qəbulun nəticələri iki-üç günə açıqlanacaq - Diqqət!
“Jurnalistika” ixtisasına qəbul qaydaları açıqlandı - Detallar
Təhsil Nazirliyi peşə təhsili müəssisələrinə daxil olanlara müraciət edib
Ali məktəblərə keçid balları açıqlandı - DİM dərc etdi
Abituriyent və subbakalavrların nəzərinə
Ən çox ixtisas seçimi bu qruplarda olub
Ali təhsil müəssisələrinə ixtisas seçimi başlayıb
DİM kollecə qəbul olmaq istəyənlərə müraciət edib
Universitetlərə qəbul üçün ixtisas seçiminin vaxtı açıqlanıb
Qabiliyyət imtahanlarına qeydiyyat başa çatıb
Peşə təhsil pilləsi üzrə tələbə qəbulu davam edir
Liseylərə qəbulla bağlı nəticələr açıqlandı
Karantin bitdikdən sonra sənəd qəbulunun və imtahanların tarixləri elan ediləcək
DİM-in müraciəti yayılıb: “Abituriyentləri aldadırlar”
DİM: Bəzi ixtisaslara qabiliyyət imtahanları keçirilməyəcək - Diqqət!
DİM: Özəl ali məktəblərə qəbul olunanlar, əsasən, dövlət məktəblərinə daxil ola bilməyənlərdir
DİM-dən AÇIQLAMA: "Özəl ali məktəblərə qəbul olanlar..."
Təhsil Nazirliyi vətəndaşların qəbulunu sentyabrın 30-dək dayandırıb - Diqqət!
Üzərində telefon aşkarlanan 3 nəfər imtahandan xaric edildi
Müəllimlərin işə qəbulu üzrə müsabiqənin nəticələri açıqlandı
Məleykə Abbaszadə abituriyent və valideynlərə müraciət edib
Bu gündən ali təhsil müəssisələrinə sənəd qəbulu başlayır
Sosial həssas qrupdan olan tələbələrin qeydiyyatı sabah yekunlaşacaq - Diqqət!
Direktor olmaq istəyənlərin nəzərinə: Müsabiqəyə start verilir
Tədris ilinin sonunadək dərslərin keçirilməsi nəzərdə tutulmur - RƏSMİ
Azərbaycanda buraxılış imtahanlarının keçirilməsinə başlanılır
I ixtisas qrupu üzrə 600-dən yuxarı bal toplayanların sayı açıqlandı - RƏSMİ
Qəbul imtahanları başlayıb
Azərbaycanda bu şagirdlər onlayn imtahan verəcəklər - AÇIQLAMA
DİM sədri oğlanın Qızlar Universitetinə qəbul olmasından danışdı