DEPUTAT ÜLVİ QULİYEVİN ŞİRKƏTİ ÖLKƏ QANUNLARIN SAYMIR ?- DAHA BİR DEPUTAT MANDATI ALINARAQ HƏBS OLUNA BİLƏR…
7-09-2021, 22:33
1 928

DEPUTAT ÜLVİ QULİYEVİN ŞİRKƏTİ ÖLKƏ QANUNLARIN SAYMIR ?- DAHA BİR DEPUTAT MANDATI ALINARAQ HƏBS OLUNA BİLƏR…

Sinəsində deputat nişanı gəzdirən Ülvi Quliyev niyə özü qəbul etdiyi ölkə qanunlarını ayaqlar altına atır ? 

Səbailin icra başçısı  deputatın qarşısında  acizdir 

Şəhərsalma və Arxitektura Komitəsi  deputatdan qorxur ? 


Deputat  Ülvi Quliyevin  “Dönüş-1” tikinti şirkəti ilə bağlı şikayətlər  bitib-tükənmək bilmir. 
Tikmək, qurub-yaratmaq  savab işdir. Amma Ülvi müəllimin qurmağı nəinki inşaat-tikinti normalarına, heç insanlığa sığan məsələ deyil. 
Məlumat üçün qeyd edək ki,  “Dönüş-1” tikinti şirkəti rəsmi olaraq  Ülvi Quliyevin yaxın qohumu Quliyev İlkin Bəxtiyar oğlunun adınadır. Amma atalar demişkən, adı sənin, dadı mənim. 
Bu gün deputat-oliqarxların çoxu şirkətlərini, mülklərini yaxın qohumlarının adına sənədləşdirir. Ancaq Azərbaycan balaca məmləkətdir, kimin əli kimin cibindən çıxır, hamı yaxşı bilir. 
Nə isə, kimin adına olur-olsun, əsas odur ki, insanların haqqına girməyəsən. 
Ancaq cənab deputat nəinki insanların haqqına girir, hətta vətəndaşların qanuni evlərini başına uçurdur. 
Bəli, cənab deputat bir neçə ildir ki, Səbail rayonu, Bayıl qəsəbəsi, Qurban Abbasov küçəsi, ev 42, mənzil 19 və 16-da yaşayan sakinlərin ömrünü tikir, daha doğrusu, sökür. 
Məlumdur ki, son oniliiklərdə Bakıda vətəndaşlara məxsus evləri alıb yerində çoxmərtəbəli binalar qondarmaq “bum” halını alıb. 
Yəni  biznesmen rentabelli-gəlirli əraziyə müştəri gözü ilə baxaraq, həmin ərazidəki sakinləri razı salmaq yolu ilə köçürdür və yerində bina tikərək satır və milyonlar qazanır. Olsun. Amma…
Amması odur ki, ev sahiblərinə real bazar qiymətində  pul vəsaiti verilməlidir ki, o binəva da özünə və ailəsinə mənzil ala bilsin. 
Ancaq Ülvi Quliyev kimi biznesmenlər hədə-qorxu, məhkəmə, yaxud bezdirmək yolu ilə  sakinləri öz qanuni evlərindən köçürürlər. Əgər  “nə şiş yansın, nə kabab” qaydası ilə hərəkət etsələr heç bir narazılıq olmaz. Əlbəttə, biznesmen qazanmaq məqsədilə bu binaları tikir. Amma qazanmaq üçün kimlərinsə  evlərini başına uçurmaq olmaz. 
Amma, Ülvi Quliyev və tikintiyə nəzarət edən oğlu Orxan Quluzadə “Burada bizik, Bağdadda kor xəlifə”  prinsipindən məsələyə yanaşırlar. 
Bəli, Ülvi Quliyev  həmin ərazidə yaşayan bəzi sakinləri artıqlaması ilə razı salıb. Məsələn PA-da işləyən Ramiz Muxtarovun haqqını artıqlaması ilə ödəyib. Çünli kişi PA-da işləyir. Ancaq söhbət imkansız, sahibsiz adamlara gələndə Ülvi Quliyev  təzyiq metodunu işə salır, hətta vətəndaşlara hədə-qorxu gəlir. Bəli, etiraz edən sakinlərin üzərinə Rüstəm  Rüstəmovu  ( Kinq Boks federasiyasında çalışır ) göndərir. 
Yəni ən çirkin yollarla  insanları öz  isti evlərindən didərgin salmaq  istəyir. 
Bəli, sakinlər deyir ki, neçə ildir yaşadığımız ərazini Ülvi Quliyev az qala Suriyanın xarabalıqlarına döndərib. Ərazidə nə qədər səs-küy, ağır  texnika olar.
Tikinti ərazisinə xeyli müddət deputatın oğlu və şəriki Orxan Quluzadə nəzarət edib. Sakinlərin narazılığından sonra sanki Orxan Qulizadə qeybə çəkilib. 
Məlumat üçün onu da qeyd edək ki, Uni klinikasının direktoru Əli Həsənov ( ona doktor Əli deyirlər ), hətta deputat Adil Əliyev də Ülvi və Orxan Quluzadə ilə, yəni  “Dönüş-1” MMC ilə şərikdir. 
Bütün bunlar azmış kimi şirkətin rəsmi sənədlərində tikilən binalar 12 mərtəbə göstərilsə də, cənab deputat 1 mərtəbəni də özü əlavə edib, 13 mərtəbəli bina tikir. Hazırda başqa bir binanın da təməli qoyulub. 
Sinəsində deputat nişanı gəzdirən Ülvi Quliyev niyə özü qəbul etdiyi ölkə qanunlarını ayaqlar altına atır ? 
Axı, bu qanunların qəbul olunmasına siz səs vermisiniz, cənab Ülvi Quliyev. 
Bina  sənəddə 12, reallıqda  necə 13 mərtəbə ola bilər ?
Deməli, siz öz deputat səlahiyyətlərinizdən istifadə edərək Dövlət Şəhərsalma və Arxitektura Komitəsini də vecinizə almırsınız. 
Cənab deputat, siz icra hakimiyyətini, icra başçısını da görməzlikdən gəlirsiniz. 
Şikayətçilərin bildirdiyinə görə, Ülvi Quliyevin  “tikinti  poliqonu”na  nəzarət  edən Seymur ( Arxitektura komitəsindən ) tikinti təhlükəsizlik  qaydalarını kobud şəkildə pozur.   
Sonra Tikintiyə Nəzarət Agentliyi də dəfələrlə əraziyə baxış keçirsə də kobud qanun pozuntularının qarşısını almaqda acizdir. 
Səbailin icra başçısı Vüqar Zeynalov  isə vətəndaşları müdafiə etmək gücündə, iqtidarında deyil.
Bu məqamda adam istəyir ki, soruşa: Axı, sən kimsən, Ülvi Quliyev ? ( Teatrda deyir ee...Axı, sən kimsən, yoldaş Dadaşov?)
Sakinlər  müxtəlif instansiyalara müraciət etsələr də, Ülvi Quliyev və oğlu Orxan Quluzadə heç kimi saymır. 
Əvvəllər  sakinlərlə  tez-tez  və  üzbəüz görüşən Orxan Quluzadə  son vaxtlar nədənsə  elə bil qeybə çəkilib. Hətta son vaxtlar Orxanı öz ofisində ( Səbail, Qurban Abbasov 42 ) görən olmayıb. 
Ərazidə qalan vətəndaşların evləri qəzalı vəziyyətdədir. 
Cənab deputat, iraq olsun qəza olsa, vətəndaşlar ölsə, səni nə gözlədiyini başa düşürsənmi ? 
Sakinlərin dediyinə görə, Ülvi Quliyev “B” planını işə salıb, Tikinti işləri gecələr həyata keçirilir, fəhlələr gecə saat 3-00 radələrində işləyirlər. 
Hətat bu günlərdə, daha dəqiq desək 07 sentyabr tarixdə Səbail polisi  gecə saatlarında buldozerlə iş gördürən Həbibi evdən çıxarıb polisə aparıb. Sanki cənab deputat gecəqondu qaydası ilə bina tikmək istəyir. 
Deyir ayının 100 oyunu var, 1 armudun başında. 
Bütün bu oyunların da məqsədi odur ki, ev sahiblərinə az pul verib razı salsınlar və milyonlar qazansınlar. 
Şikayətçi sakinlərdən bir olan Nəsir Məmmədli deyir ki, deputat olan kəs mənim əmlakımı zorla ələ keçirmək istəyir.
Bəli, cənab deputat, siz  sakinləri ölümlə üz-üzə qoymusunuz.  
Bir gün  bunun bədəlini ödəyəcəksiniz. Necə ki, adam döyən, deputat niçanını “zaloq” qoyan həmkarların ödəyir.













Oxşar xəbərlər

Deputat Ülvi Quliyevin Oğlu Vətən Müharibəsində Harda Olub?- Fotolar
Oğlu müharibəyə getməyən deputat Ülvi Quliyev  NİTQ  söyləyir…-Vətən üçün kimlər ölümə getdi…
Deputat Ülvi Quliyevin oğlu Londonda 2 milyonluq borca düşüb - FOTOFAKT
Qarabağ Qazisi kimi vəzifəyə gətirilsə də... - İndi əsl OLİQARXDIR...
Ülvi Quliyevi bitirəcək iddia: deputatın siyasi mühacirətlə əlaqəsi, oğlunun müharibə macəraları – VİDEO
İcra başçısı rayonu sökür - Qarşıdurma
Azərbaycanda görünməmiş “tender müəmmasi” – Şirkət 3 gün sonra niyə imtina etdi?
“Tac-1” MMC-nin tikdiyi 21 mərtəbəli binanı 6-cı mərtəbədə Arxitektura Komitəsi niyə dayandırdı ?
İsmayıllıda tender müəmması... - İLGİNC FAKTLAR
İradə Gülməmmədova oliqarxa çevrilib – Həyat yoldaşının adına olan şirkətlərin siyahısı yayıldı
Paşinyanın parlament fraksiyası dağılır
Xətainin icra başçısı Rafiq Quliyev yaşıllıqları məhv edib özünə obyektlər tikdirir...-  Bu işdə ona ən çox dəstək verən “Şəhərsalmakomitəsi”nin “Ərazi Mərkəzi”nin sədri Ramin Abdullayevdir...
“Azərbaycan İnvestisiya Şirkəti” ASC-yə yeni icraçı direktor təyin olunub
Deputat da başçının həbsini tələb etmişdi, amma... - İndi də sakinlər imza toplayır
600 minlik tenderdən imtina edib 1.8 milyonluğunu qazandı
Rüşvətə görə həbs olunan sabiq prokuror Ali Məhkəməyə müraciət etdi
Azay Quliyev 2005-də Şirvanda necə deputat oldu ?- Millət vəkili niyə 3-cü dəfə Şirvandan Binəqədiyə “köçdü” ?
Tanınmış azərbaycanlı müğənni koronavirusa yoluxdu (FOTO)
Deputatla keçmiş rəqibi arasında qalmaqal: "Əlimdə faktlar var..."
Təzə icra başçısı  Seymur Orucov Ağstafanı “qaşıyır”- Deyəsən Seymur Orucovu da həbs olunan Nizaməddin Quliyevin aqibəti gözləyir.
Paşinyanın daha bir tərəfdarı istefa verdi
Rasim Quliyevin işi məhkəməyə göndərildi
“İnsanları bu vəziyyətdə qoymaq olmaz“ - Deputatdan Operativ Qərargaha ÇAĞIRIŞ
"Deputat Eldar Quliyev tez-tez əxlaqsızlıq yuvalarına gedir" — Partiya sədrindən ŞOK İDDİA
“Eldəniz Səlimov həbsxanada da deputat maaşı alacaq” – Keçmiş MSK üzvü
Azərbaycanda iki məhşur müğənni koronavirusa yoluxdu - Foto
Hacı Qaliblə vətəndaşın 20 sot torpaq davası - BŞİH problemə əl qoydu
Nizaməddin Quliyevin işdən çıxarılan kadrının yerinə TƏYİNAT
“Belə çıxır ki, dövlət orqanları pullu xidmət göstərir” - Deputat
“ASAN Xidmətdə COVID-19 pasportu tələb olunmur” - Ülvi Mehdiyev