Revizor-baş həkim Nurməmməd Yarıyev necə Tibbi Mərkəzin direktoru oldu ? - Səhiyyə sistemindəki paralellik- Şap elə bilir şupdadır..
5-10-2021, 18:14
878

Revizor-baş həkim Nurməmməd Yarıyev necə Tibbi Mərkəzin direktoru oldu ? - Səhiyyə sistemindəki paralellik- Şap elə bilir şupdadır..

TƏBİB-in sədri vəzifəsini icra edən Vüqar Qurbanovun biabırçı müraciəti ..

Öncə ondan başlayaq ki, hazırda dünyada dövlət idarəetməsində paralellikdən, yəni özünü təkrar edən qurumlardan qaçırlar. Niyə ?
Birincisi, ona görə ki, paralel qurumlar dövlət büdcəsindən əlavə milyonların xərclənməsinə səbəb olur. Yəni bir-birini təkrar edən qurumlar dövlət büdcəsinə əlavə yük olur. 
İkincisi, yüz minlərlə vətəndaş  bu paralel  qurumların arasında qalır. Loru dildə desək, “Şap elə bilir şupdadır, şup elə bilir şapdadır”. 
Bəli, vətəndaşlar bir-birinə bənzəyən qurumlar arasında günlərlə, bəzən aylarla vaxt itirməli olurlar. 
Sözün qısası, paralel qurumların olmasının dövlət və cəmiyyət üçün heç bir faydası yoxdur, əksinə problem mənbəyidir. 
Heç kimə sirr deyil ki, son 30 ildə Əli İnsanov kimi yaramazın və Oqtay Şirəliyev kimi yumşaq desək məsuliyyətsiz  birisinin rəhbərlik etdiyi səhiyyəmiz bərbad durumdadır. 
Təsəvvür edirsiniz, cənab Prezidentin birbaşa göstərişi ilə ölkə səhiyyəsinə külli miqdarda vəsait ayrılıb, müasir xəstəxanalar  istifadəyə verilib, ən müasir tibbi avadanlıqlar alınıb, amma  səhiyyədəki problemlər bitib tükənmək bilmir. Deməli, ortada ciddi səbəblər var. Və bu səbəblər aradan qaldırılmalıdır. Vəziyyətdən çıxış yolu kimi Tibbi Ərazi  Bölmələrini İdarəetmə Birliyi ( TƏBİB ) yaradıldı, yeni bir İcbari Tibbi Sığorta Dövlət Agentliyi yaradıldı, indi də rayonlarda Tibb Mərkəzləri yaradılıb. 
Axı, bir ölkədə nə qədər tibb üzrə dövlət qurumu olar. 
Axı, yuxarıda qeyd etdik ki, bir-birini təkrar edən qurumlardan qaçmaq lazımdır. 
Bir neçə gün öncə  vətəndaşın şikayəti əsasında qeyd etmişdik ki, ömürlük əlil olan xəstə dövlətin ona verdiyi  1 qutu dərmanı ala bilmir. Niyə ?
Çünki xəstə dərman üçün Səhiyyə nazirliyinə müraciət edir, deyirlər bizlik deyil, TƏBİB-ə müraciət elə, xəstə binəva TƏBİB-ə üz tutur, deyirlər bizlik deyil, İcbari Tibbi Sığorta Dövlət Agentliyinə zəng elə... ora zəng edir, deyirlər rayondakı Tibbi Mərkəzə müraciət elə..
Bu sadəcə rüsvayçılıq və biabırçılıqdır. Həm də vətəndaşlara verilən işgəncədir. Həm də qurumlar arasında  səlahiyyət davası gedir. 
Bu problemləri aradan qaldırmaq üçün sadəcə 1 normal adam balası olan səhiyyə naziri tapmaq yetər. Nə TƏBİB-filan...sığorta-zad...
Bəli, indi də rayonlardakı tibb müəssisələrini birləşdirib Tibb Mərkəzləri yaradılıb. 
Onlardan biri də Nizami rayonundakı Tibb Mərkəzidir. Mərkəzin direktoru Yarıyev  Nurməmməd Yarməmməd  oğludur. 
Və onun tabeçiliyində 11 nömrəli Birləşmiş Şəhər Xəstəxanası, 1 nömrəli Uşaq Yoluxucu Xəstəliklər Xəstəxanası, 7 nömrəli Doğum Evi və “Azərsutikinti” Xəstəxanası  var. 
Adını da qoyublar ki, idarəetmənin mərkəzləşdirilməsi məqsədilə aparılan struktur dəyişikliyi-filan. 
Görəsən,  Nurməmməd  doğum evinə necə nəzarət edəcək?
Axı, Yarıyev  Nurməmməd neçə il  Bakı Baş Səhiyyə İdarəsində (BBSİ)  “revizor”- müfəttiş işləyib sonra hansısa əməlinə görə qovulub. Sonra isə 11 saylı Birləşmiş şəhər xəstəxanasının Baş həkimi olub. Bu adamdan şikayətlər bitib-tükınmək bilmir. İndi Nurməmməd  4 böyük xəstəxanaya necə nəzarət edəcək ? 
Görəsən TƏBİB-in sədri vəzifəsini icra edən Vüqar Qurbanov  bilmir ki, Nurməmməd Yarıyev kimisinə belə bir məsuliyyətli vəzifəni tapşırmaq olmaz ? 
Ən maraqlısı odur ki, görəsən  Vüqar  Qurbanov özü məsuliyyətin nə olduğunu anlayırmı ? 
Məlumat üçün qeyd edək ki, bir müddət əvvəl  TƏBİB-in sədri Ramin Bayramlı öz vəzifəsi ilə vidalaşdı. Və İcbari Tibbi Sığorta Dövlət Agentliyinin sədri Zaur Əliyev həmin vəzifəni icra etməyi müvəqqəti olaraq Vüqar Qurbanova həvalə etdi. Yəni, müvəqqəti icra etməyə. 
Görək bu adam kimdir ?
Vüqar Qurbanov hazırda da Tibbi Sığorta Dövlət Agentliyində  Tibbi iddialar departamentinin rəhbəri vəzifəsini icra edir. 
Axı, bir adam neçə vəzifəni apara bilər ?
Bu adam həm TƏBİB-in sədri vəzifəsini icra edir, həm də Dövlət Agentliyində  Departament rəhbəridir. 
Cənab Zaur Əliyev, bu necə olur ? 
Ən biabırçı hal  bilirsiniz nədir ? 
Əlimizdə olan sənəd də sübut edir ki, TƏBİB-in sədri vəzifəsini icra edən  Vüqar Qurbanovun adından tabeliyində olan tibbi müəssisələrinə göndəriləın rəsmi məktubda qeyd olunur ki: “İdarə Heyətinin sədri vəzifəsini müvəqqəti icra edən”, “İdarə Heyətinin sədr əvəzi” və s kimi qeyd olunaraq göndərilən məktublar tərəfimizdən qəbul olunmayacaq.  
Hə, buna nə deyirsiniz, cənablar ?
Belə bir absurd və məsuliyyətsiz müraciətə rast gəlmisinizmi ? 
Təsəvvür  edirsinizmi, Dövlət Agentliyinin direktoru bu adamı müvəqqəti, icra edən kimi təyin edib vəzəfəyə. Bu adam isə tələb edir ki, mənə SƏDR kimi müraciət edin, icraçı sözünü işlətməyin. 
Görəsən Vüqar Qurbanov  göndərdiyi məktubun məzmununu anlaya bilirmi ? 
Əslində onu qınamalı da deyil. Bu adam 5 saylı xəstəxanada həkim-implantoloq işləyəndə 5 manata EEQE edirdin, indi sənin yaşın qədər təcrübəsi olan həkimləri məcbur edirsən ki, sənə sədr desinlər. 
Ay Vüqar Qurbanov, axı sən ziyalı ailədə böyümüsən, rəhmətlik atan da, anan da  gözəl müəllimdir. Bəs, sən niyə özündən hər mənada böyüklərə qarşı belə rəftar edirsən ? 
Deyirsən ki, yaşı keçmiş tibb işçiləri vəzifəsindən azad olunmalıdır. Bilmirsən ki, həkimin və müəllimin yaşı artdıqca, daha mükəmməl  təcrübəyə malik olur. 
Məgər Nurməmməd kimilər, yaşlı nəsli əvəz edə bilər ?
Yaxud  yaşı 70-i keçən Adil Allahverdiyevi  o boyda  V.Y.Axundov adına Elmi-Tədqiqat Tibbi Profilaktika İnstitutuna ( keçmiş  Mikrobiologiya, Epidemiologiya ve Peşə Xəstəlikləri İnstitutu ) direktor təyin edəndə heç yaşını soruşan olmadı. 
Həm də yaşın nə fərqi var, ay  Vüqar Qurbanov ?

P.S Yazıda adları keçən bütün şəxslərin münasibətini dərc etməyə hazırıq.

Oxşar xəbərlər

ABC Telekomda ciddi problemlər var- Şirkətin sahibi Azər Süleymanov alıcıların hüquqlarını pozur
Ömürlük xəstələr qalıb Səhiyyə Nazirliyinin, TƏBİB-in və Zaur Əliyevin əlində- Ramin Bayramlıdan nümunə götür, Zaur Əliyev
Qoca Oqtay Şirəliyevlə cavan Ramin Bayramlının nə fərqi ?-  “Semaşko”da koronavirusla bağlı  həkimlərin əlavə maaşı niyə kəsilib ?
"Dövlət şirkətlərində islahatlar olacaq" - “Şirkətlərdən bəziləri özəlləşdiriləcək"
Oqtay Şirəliyev və Ramin Bayramlıya vaksin vurulmayıb? - RƏSMİ AÇIQLAMA
Oqtay Şirəliyev və Ramin Bayramlı peyvənd olundu - FOTO
TƏBİB-in sədr əvəzi kollektivə təqdim edildi
Koronavirusun daha təhlükəli nəticələri açıqlandı
“Baku Bus” niyə ziyanla işləyirdi? - şirkətin BNA-dan alınma səbəbi
TƏBİB və Nazirlik savaşır - Arada insanlar və ümidlər ölür!
TƏBİB və Nazirlik savaşır - Arada insanlar və ümidlər ölür
“Fosfor  Məhərrəm”in  şərəfsiz oğlu-    “Kundərə Ramiz”in atası niyə  xortladı ?
Oqtay Şirəliyevə yeni vəzifə VERİLDİ
Su, qaz, enerji  İTKİ-si  bu dərəcədə ola bilməz..- DaşArx  kəndinin sakinləri niyə kəndlərinin adını dəyişmək istəyir ?
Bir avtomobillə bir neçə ailə üzvü gedirsə, hər biri üçün ayrılıqda icazə alınmalıdır - RƏSMİ
Kimlər gedir: 2 nazir yola salınır və... - İLGİNC
İki qurum arasında süqut edən səhiyyə sistemimiz... - FAKTLAR
Ramiz Mehdiyev nə etmək istəyir? – “Hələ sağ-salamatıq, heç kim dağılışmasın”
Şəmkirin başçısı həbs olunsa da... - YENƏ KÖHNƏLƏR MEYDAN SULAYIR...
Otuz yaşı olacaq  müstəqil  Azərbaycanın 17 illik səhiyyə naziri  Oqtay Şirəliyev getdi-  GEM-in direktoru Sara Həsənova niyə təlaş keçirir ?
Pambıq paltarlar koronavirusdan qoruyur? - Həkimdən açıqlama
Koronavirusdan sağalan şəxslərdə niyə ölüm riski var?
Əli İnsanovun dövründə SARA-lan və Oqtay Şirəliyevin dövründə NİGAR-an qalan Səhiyyəmiz...
"Mənə və mənim kimi on minlərlə kiçik sahibkara zülm edib..." - “Ana Kür” MTK vətəndaşa QARŞI...
Baş və əzələ ağrıları, qızdırma vaksinin əks təsirləri deyil - TƏBİB
Zərdabın icra başçısından şübhəli gedişlər... - İTTİHAM
Hər məktəb direktorunun arxasında   yekə  bir məmur dayanıb-Nazir Emin Əmrullayev idarəçiliyi itirib?
“Baş”sız  səhiyyəmizin təzə “baş”ı  peyda olub…- Həkim-deputat Rəşad Mahmudovun NAZİR olma eşqi...
Hesablama Palatasına hesabat təqdim etməyən qurumlar - SİYAHI
Budaqov BUDAMAYA başlayacaqmı? - Gözlənti