Məhkəmə sədri  Gülsarə Kərimovna 37-ci ilin “TROYKA”sı kimi hökm çıxardır…

Orta əsr hakimləri-qazılar ailəyə xeyir-dua verərdi, bu “Troyka” isə ailələri  dağıdır…

1 molla, 3 manat pul və 1 kəllə qənd hara, Ağamirzənin quzunu yeyərək  ailəni dağıtması hara..? 

 
Tarixdən  bilirik ki, ötən əsrin 30-cu illərində, konkret desək 37-ci ildə “TROYKA”  deyilən bir məhkəmə var imiş.
Sorğu-sualsız, dəlil-sübutsuz, qarşı tərəfi dinləmədən QƏRAR verirmiş. Bəlkə də bəşər tarixində oxşar olay olmayıb. 
Hətta orta əsr məhkəmələrində ( QAZI-lar ) belə ədalətsizlik etməyib.  
Məşhur filmdə deyilən kimi: Gedək, gedək, QAZIYA deyək qoy kəbini kəssin…
Yəni hakimin-qazının işi yeni qurulan ailəyə xeyir-dua vermək idi. 
Ancaq  Gülsarə Kərimovna İmanovanın sədr olduğu Zəngilan rayon məhkəməsi AİLƏ dağıtmaqla məşğuldur. Özü də sorğu-sual olmadan, qarşı tərəfləri dinləmədən.
Gülsarə Kərimovna başa düşmür ki, dünyanın hər yerində, o cümlədən ölkəmiz Azərbaycanda məhkəmədən öncə tərəflərə BARIŞ STOLU təklif olunur. Əgər tərəflər barışırsa, problem çözülür və Gülsarə kimi hakimlərə ehtiyac qalmır. 
Gülsarə Kərimovna isə  ailəsi ilə barışmaq istəyən ailənin başçısını susdurur, ağzını açmağa qoymur…yəni ailəni qorumaqla yox, ailəni dağıtmaqla məşğul olur. 
Yazının girişində “TROYKA” məhkəmələri əbəs yerə misal gətirmədik. 
Bəli, Zəngilan rayon məhkəməsinin sədri Gülsarə Kərimovna, onun məsləhətçisi Vüsalə Atakişiyeva, Zəngilan RİH-nin hüquq şöbəsinin müdiri Ağamirzə Məmmədov özlərini vətəndaşlara qarşı əsl “TROYKA” kimi aparırlar. Hətta səhra məhkəmələri də belə qərar vermir. Bu prosesdə məhkəmə sədrinin köməkçisi  Ağa Mahmudov da az rol oynamır. 
Əslində bu cür hakim və köməkçiləri Azərbaycanı dünyada gözdən salırlar. Belə hakimlərin ucbatından dəfələrlə Avropa məhkəməsindən ölkəmizin ziyanına qərarlar gəlib.
Görəsən, Gülsarə Kərimovna başa düşmür ki, biz dövlət olaraq Avropa Şurasına daxil olanda müəyyən öhdəliklər götürmüşük. Öhdəliklərdən biri də ədalətli məhkəmə sistemidir.
Bəlkə də Gülsarənin doğulduğu,  tərbiyə və hüquq diplomu  aldığı vətənində -Türkmənistanda belə deyil. Ancaq Azərbaycan rəhbərliyi həmişə ədalətli məhkəmə sisteminin önəmini qeyd edib. 
Əbəs deyildir ki, cənab Prezident İlham Əliyev Ali Məhkəmənin yeni binasının açılışında demişdir ki, bura Ədalət Sarayı olmalıdır. 
Başa düşdünüzmü, Gülsarə Kərimovna, Vüsalə Atakişiyeva, Ağamirzə Məmmədov..? 
Bəli, bir daha yadınıza salmaq istəyirik ki, 1 molla, 3 manat pul, 1 kəllə qəndə görə, yeni qurulan ailəyə xeyir-dua verilirdi. Siz isə pulu da almısınız, 1 quzunu da yemisiniz…üstəlik ailəni də dağıdırsınız. Belə hal dünyanın heç bir məhkəməsində görünməyib. 
Axı, qarşı tərəf sizdən nə istəyir ?
Deyir vaxt verin ailəmlə barışım, uşaqlarım atasız qalmasın, ailəm dağılmasın…
Siz nə edirsiniz ?  Ailə başçısının ağzından vurursunuz, onun hüquqlarını pozursunuz, uşaqları ailə başçısız qoyursunuz. Hələ üstəlik kişinin quzusunu da yeyirsiniz. Burnunuzdan gəlsin, belə insanlıq olar ?
Qarşı tərəf deyir ki, icra başçısı ilə görüşüm, dərdimi deyim, məsləhət alım…
Gülsarə Kərimovna isə haray-qışqırıq salır, icra başçısı kimdir, hökmü mən verirəm deyir..
Bu adam nəinki ölkə qanunlarını, heç Prezidentin rayona təyin etdiyi səlahiyyətli şəxsi də saya salmır. 
Görəsən məhkəmə sədri kimə arxayındır, kimə güvənir..?
Dəfələrlə yazmışıq ki, əcnəbi ölkənin vətəndaşı olan Gülsarənin Azərbaycan Respublikasında məhkəmə sədri olması araşdırılsın.
Deyirlər ki, Gülsarə İmanova sabiq PA rəhbəri Ramiz Mehdiyevin xanımının rəfiqəsidir. Gözümüz aydın, noolsun rəfiqəsidir. Ramiz Mehdiyev Gülsarəyə deyib ki, get ailələri dağıt..? 
Əslində  Gülsarə Kərimovna, Vüsalə Atakişiyeva, Ağamirzə Məmmədov üçün ailə dağıtmaq özü bir biznesdir.
Bəli, ailə dağıtmaq biznesi…
Əgər Zəngilan rayonundan olan məcburi köçkün ailələrinin kağız üzərində, “formal”  boşanması araşdırılsa,  xoruzun quyruğu, daha doğrusu, cinayətin izi aydın görünəcək. 
Bu boşanmaların  dövlətə vurduğu ziyan bəlli olacaq. 
Bunu müvafiq orqanlar ciddi araşdırmalıdır. 
Dəfələrlə Zəngilan rayon məhkəməsinin sədri Gülsarə Kərimovna, məhkəmənin baş məsləhətçisi Vüsalə Atakişiyeva, məhkəmə sədrinin köməkçisi Ağa Mahmudov, Zəngilan RİH-nin hüquq şöbəsinin müdiri Ağamirzə Məmmədov  barəsində yazaraq ölkə rəhbərliyinə, hüquq-mühafizə orqanlarına, Ali Məhkəmənin və  Ədliyyə Nazirliyinin rəhbərliyinə baş verən qanunsuzluqlarla bağlı müraciət etmişik. 
Amma ortada nəticə yoxdur.
Buna baxmayaraq biz də Gundelik-Bakı olaraq yorulub-bezən, bu məsələdən geri çəkilən deyilik. 
Dövlət dilimizi bilməyən  bir adam necə ölkəmizdə məhkəmə sədri  ola bilər ? 
Bura qədər yazdıqlarımız bizim redaksiyanın mövqeyi idi. 
“Troyka”nın dağıtdığı  ailələrdən birinin sahibi, Zəngilan sakini Oqtay Məhərrəmovun öz dilindən   Gundelik-Bakıya-ya dediklərini isə buyurun oxuyun  və  VİDEO-da öz dilindən eşidin: 
“Ailəmlə aramızda müəyyən narazılıq var idi. Amma mən öz ailəmdən boşanmaq istəmirdim. 
Bir gün gözləmədiyim halda  Zəngilan RİH-nin hüquq şöbəsinin müdiri  Ağamirzə Məmmədov mənə zəng edərək görüşmək istədiyini bildirdi. Mən görüşün məqsədini soruşanda dedi ki, boşanma məsələsində sənə kömək etmək istəyirəm. Biz 20 yanvar metrosunun yaxınlığında, Onkologiya Xəstəxanasına yaxın  kafelərin birində əyləşib söhbət elədik. Ağamirzə mənə dedi ki, biz uzaq qohumuq sənə kömək edəcəm. Mən soruşdum ki, sən mənə necə kömək edə bilərsən axı...
O mənə bildirdi ki, məhkəmənin sədri Gülsarə, işçisi Vüsalə mənə yaxın adamdır. Onlarla danışıb məsələni həll edəcəm. Mən soruşdum ki, mənim elə imkanlarım yoxdur, sənə borcum nə olacaq..:
Ağamirzə mənə cavab verdi ki, bu işlərlə 12 nəfər məşğul olur, sən onlara pul çatdıra bilməzsən, ona görə də mənə bir quzu alarsan, məsələ həll olunar. Sonra Ağamirzə bildirdi ki, işdən çıxmışam, acam bir şey təşkil elə. Mənim cibimdə 25 manat pul var idi. Yemək sifariş etdim. Bu "qarınqulu" yedi, üstündən də 1 dənə litrlik araq içdik, 97 manat etdi. Ağamirzə cibindən 1 manat da çıxarmadı. Məcbur qalıb dostumdan 72 manat borc aldım. Ağamirzənin zəhərinin pulunu ödədim. Bilmirəm, Zəngilan Rayonunun İcra Başçısının bundan xəbəri var?
Oqtay Məhərrəmov  sonra müxbirimizə bilıdirib ki, biz Ağamirzə ilə iş vaxtı oturub yedik, hətta araq içdik, söhbət əsnasında Ağamirzə PA-da işləyən dostlarının adını çəkirdi. Zəngilan Rayon Hüquq Şöbəsinin müdiri Ağamirzə Məmmədov biraz "dəmləşəndən" sonra dedi ki, PA-da mühüm vəzifə daşıyan Süleyman İsmayılov mənim yaxın adamımdır, nə desəm onu edəcək. Elə bu hörmətli adamın adını eşidən kimi dedim bir dənə də araq gəlsin. Dostumdan pul alıb, yeyib-içməyin pulunu verəndən sonra Ağamirzənin məndən quzu istəməsi məsələsini həll etmək üçün bazardakı dostuma zəng edib 200 manat borc istədim. Dostum pulu gətirənə qədər böyük bir quzu kəsdirib hazırlatdırdım, sonra Ağamirzə müəllim oğluna zəng etdi və oğlu OPEL maşınla gəldi quzunu verdim apardılar. Burunlarından gəlsin, işimi düzəltmədilər. Məni ailəmlə ayırıb, uşaqlarımın üzünə həsrət qoydular. Ağamirzəni də uşaqlarının üzünə həsrət qalsın. Necəki qaldı. Dediyim kimi quzunu aldılar yedilər ancaq məhkəmədə məsələ həll olunmadı. 
Belə ki, mən məhkəmə sədri Gülsarə Kərimovnadan çox xahiş etdim ki, bizim ailəmizə vaxt  verin, bəlkə barışdıq, uşaqlarımız var. Gülsarə Kərimovna isə “ Kəs səsini..” deyərək mənə imkan vermədi. 
Mən təkrar olaraq  ondan xahiş etdim ki, mənə vaxt verin hörmətli icra başçısı ilə görüşüm problemlərimi deyim. 
Gülsarə Kərimovna isə  “İcra başçısı kimdir...məsələni mən həll edirəm” deyərək  "ağzımdan vurdu". Bu adam insanlarla davranmağı bacarmır, bu adam üçün bizim milli  dəyərlər heç nədir.  
Və məhkəmənin qərarı ilə heç yerdə işləməyən mənə 340 manat aliment və üstəlik 100 manat xəstəlik pulu kəsildi. 
Bax, beləcə həm ailəm dağıldı, həm də Ağamirzənin yalanları bəlli oldu. 
Şikayətçi sonra bildirdi ki, Ağamirzə üçün ancaq qarnını otarmaq var, ondan-bundan alıb yeyir-içir, onun üçün qanun-zad yoxdur. 
Şikayətçinin dediklərindən bəlli olur ki, bu şəxsin öz ailəsi ilə  barışmaq imkanları var imiş, ancaq təəssüf ki, Ağamirzə kimi "dəllallar" buna imkan verməyib. Yəni Ağamirzənin qarnı  bir ailənin dağılmasına səbəb olub. 
Şikayətçi sonda Zəngilan RİH-nin başçısından xahiş edir ki, Ağamirzə kimi "qarınqulu" kadrları işdən uzaqlaşdırsın. 
Şikayətçi həm də Ali Məhkəmənin sədrinə, Məhkəmə-Hüquq Şurasının rəhbərliyinə müraciət edərək  Gülsarə Kərimovna kimi sədrin məhkəmə-hüquq sistemindən uzaqlaşdırılmasını tələb edir. Və qeyd edir ki, Gülsarə Kərimovna, Ağamirzə Məmmədov kimi məmurlar  sakinləri dövlətdən narazı salır. Növbəti yazımızda Xədicə xanımın qayınanasının diri kimi göstərilməsi, pandemiya dövründə yüzlərlə ailələrin boşanma qətnamələri, Vüsalə Atakişiyevanın Zəngilan Rayon Məhkəməsindəki qanunsuz işlərini ört-basdır etmək məqsədlilə işdən uzaqlaşmaq istəməsi barədə geniş yazı dərc edəcəyik. Bizi izləyin.