TƏBİB-in sədr əvəzləyicisi Vüqar Qurbanov nə işlə məşğuldur ?- TƏBİB ZAUR ƏLİYEVİN QAYDALARI İLƏ İDARƏ OLUNUR ?
27-10-2021, 19:30
849

TƏBİB-in sədr əvəzləyicisi Vüqar Qurbanov nə işlə məşğuldur ?- TƏBİB ZAUR ƏLİYEVİN QAYDALARI İLƏ İDARƏ OLUNUR ?

Ölkəmizdə  səhiyyə naziri “İ.O”-dur...

“TƏBİB”in sədri   Vüqar  Qurbanov da  “İ.O”-dur...

Millət sizin üçün “eksperiment  dovşanı”  deyil, cənablar..


Mövzuya  ondan başlayaq ki,  1 ilə  yaxındır ki, səhiyyə naziri  Oqtay Şirəliyev vəzifəsindən azad olunub. Və onu Teymur Musayev əvəz edir. Bəli əvəz edir. 
Bəyənmədiyimiz sovet dövründə İ.O ( ispoln.obyaz) deyilən, yəni müvəqqəti əvəz edən, icra edən məsələsi var idi. İ.O-nun müddəti bir neçə ay ola bilərdi. 
Cənablar, Allah qoymasa, 1 il   İ.O olar ? 
Özü də  NAZİR ee...
Məlumdur ki, ölkəmizdə Səhiyyə Nazirliyindən sonra  bu sferada 2-ci ən mühüm  qurum “Tibbi Ərazi Bölmələrini İdarəetmə Birliyi”, yəni  TƏBİB-dir. 
Bildiyimiz kimi bu qurumun sədri  Ramin Bayramlı da  xeyli müddətdir  vəzifəsindən istefa verib və onu da  xeyli vaxtdır  yenə Allah qoymasa, Vüqar Qurbanov müvəqqəti əvəz edir, yəni o da İ.O-dur. 
Cənablar, başa düşürsünüzmü, dünyada və ölkəmizdə dəhşətli pandemiya tüğyan edir.  Bu vəziyyətdə ölkə səhiyyəsinə cavabdeh olan  2 mühüm vəzifənin ikisi də xeyli müddətdir İ.O-dur. Anladınızmı ? 
İkincisi, TƏBİB-in yeni müvəqqəti sədri  Vüqar Qurbanov hazırda həm də İcbari Tibbi Sığorta üzrə Dövlət Agentliyində Departament  direktorudur. Bu bir əldə iki qarpız tutmaqdır. Bu adam iki mühüm vəzifənin öhdəsindən necə gəlir ? 
Görəsən bu ölkədə 4-5 nəfər savadlı, təcrübəli, ləyaqətli  tibb mütəxəssisi yoxdur ki, bir adam bir əlində 5 qarpız-vəzifə tutur ? 
Əslində açıq deməliyik ki, bu millətin başında  dəlləklik öyrənməkdir. Millət sizin üçün  “ eksperiment  dovşanı” deyil e...üstündə təcrübə keçəsiniz...
Daha bir mühüm məsələyə toxunaq. 
Bu yaxınlarda  ölkənin savadlı, təcrübəli  həkimindən soruşmuşdular ki, sizə səhiyyə naziri vəzifəsi təklif olunsa,  razı olardınızmı ? 
Cavab doğrudan da heyrətamiz idi:
Əlbəttə, qəbul edərəm, amma şərtim olacaq, rüşvət almayacam, heç kimə rüşvət  verməyəcəm, heç kimi eşitməyəcəm, dost-tanışı vəzifələrə doldurmayacam, razıdılarsa, nazir olaram...
Çox ağrılı və ibrətamiz cavabdır. 
Bəli, bütün problemlər  bu  qısa cavabda gizlənib, başqa söhbət ola bilməz. 
Bir məsələni ötən yazımızda qeyd etdiyimiz üçün təkrarçılığa varmaq istəmirik. Amma qısaca qeyd edək ki, Səhiyyə Nazirliyi varsa, TƏBİB nəyə lazımdır, TƏBİB varsa, Səhiyyə Mərkəzini nə üçün yaradırlar ? 
Belə paralel  qurumlar həm  dövlətin cibinə ziyandır, həm də millət ortada çaş-baş qalır. Bəli, vətəndaşlar bir-birinə bənzəyən qurumlar arasında günlərlə, bəzən aylarla vaxt itirməli olurlar. Sözün qısası, paralel qurumların olmasının dövlət və cəmiyyət üçün heç bir faydası yoxdur, əksinə problem mənbəyidir.
Bu mövzuda yazdığımız üçün mövzunu uzatmırıq. 
İndi görək, TƏBİB-in müvəqqəti sədri  Vüqar  Qurbanov nə işlərlə məşğuldur ?
Onun qaranlıq  işlərini qoyuruq bir kənara və rəsmi xəbərlərə istinad edirik. 
Hər gün mətbuatda  Vüqar Qurbanovun əmrləri ilə tanış oluruq: Onu vəzifəsindən çıxardır, bunu qoyur, bunu azad edir, o birisini vəzifəyə təyin edir və s. 
Hamısı da Allah qoymasa, baş həkim, direktor, təsərrüfat məsələləri üzrə direktor müavini və s. 
Çıxardıb-qoymaqla nəsə dəyişirmi, cənablar ? 
Əlbəttə, yox. Əgər dəyişsəydi, Əlini çıxardıb Oqtayı qoyanda dəyişərdi də...
TƏBİB-in İ.O sədri yuxarıda qeyd etdiyimiz kimi hazırda həm də İcbari Tibbi Sığorta üzrə Dövlət Agentliyində Departament  direktorudur. 
Bu adam deyir ki,  “ 900 mindən çox vətəndaş icbari tibbi sığorta xidmətlərindən istifadə edib”, yəni  guya 900 min insan az vaxtda pulsuz müalicə olunub, ağır  cərrahi əməliyyatlardan çıxıb. 
İnanan daşa dönsün, Vüqar Qurbanov.
Camaat pulsuz  1 tabletka qarınağrısı dərmanı ala bilmir, bu da pulsuz bahalı əməliyyatlardan, 900 min insandan danışır...
Ayıbdır e, insan nə qədər yalan danışar. 
Vüqar  Qurbanov deyir ki,  “İcbari tibbi sığortanın tətbiqi ilə Azərbaycan səhiyyəsi yüksək  inkişaf mərhələsinə qədəm qoydu”. 
Ay adam, sən hansı inkişafdan danışırsan ? 
Şair demişkən, kimi aldadırsan, ay zalım oğlu ? 
 “Revizor”   Nurməmməd Yarıyevi   Tibbi Mərkəzə direktor  qoymaq inkişafdır, Vüqar  Qurbanov ? 
Vüqar Qurbanov, bəlkə inkişaf deyəndə  bu yaxınlarda tabeçiliyində olan qurumlara göndərdiyin müraciəti deyirsən ? 
Əlimizdə olan sənəd də sübut edir ki, TƏBİB-in sədri vəzifəsini icra edən Vüqar Qurbanovun adından tabeliyində olan tibbi müəssisələrinə göndərilən rəsmi məktubda qeyd olunur ki: “İdarə Heyətinin sədri vəzifəsini müvəqqəti icra edən”, “İdarə Heyətinin sədr əvəzi” və s kimi qeyd olunaraq göndərilən məktublar tərəfimizdən qəbul olunmayacaq.
Vüqar Qurbanov, bu müraciətiniz, səhiyyəmizin rüsvayçı durumunun bariz nümunəsidir. Qalanı detallardır...


Oxşar xəbərlər

TƏBİB-in sədr əvəzi kollektivə təqdim edildi
Oqtay Şirəliyev və Ramin Bayramlı peyvənd olundu - FOTO
Ramin Bayramlı yenidən VƏZİFƏYƏ GƏTİRİLİR? - İDDİA
Ramin Bayramlının səlahiyyətləri departament rəhbərinə verildi  - Rəsmi
Oqtay Şirəliyev və Ramin Bayramlıya vaksin vurulmayıb? - RƏSMİ AÇIQLAMA
Azərbaycanda vaksin ilk öncə onlara VURULACAQ
Revizor-baş həkim Nurməmməd Yarıyev necə Tibbi Mərkəzin direktoru oldu ? - Səhiyyə sistemindəki paralellik- Şap elə bilir şupdadır..
TƏBİB-də yoxlamalar aparılır - RƏSMİ
Antibiotiklərin reseptsiz satışının qarşısı alınacaq - TƏBİB
Uşaqlara “Pfizer” vaksini niyə vurulur? - AÇIQLAMA
Ramin Bayramlı bu vəzifəsindən də AYRILDI
Oqtay Şirəliyevi əvəz edən nazir müavinindən İLK ƏMR
“TƏBİB-dəki uşağın bütün səlahiyyətləri əlindən alınmalıdır“ - Hafiz Hacıyev
Hesablama Palatası Dövlət Agentliyində və TƏBİB-də yoxlamalar aparıb
Ramin Bayramlı və Zaur Əliyev COVID-19 peyvəndinin ikinci dozasını vurdurdu
Otuz yaşı olacaq  müstəqil  Azərbaycanın 17 illik səhiyyə naziri  Oqtay Şirəliyev getdi-  GEM-in direktoru Sara Həsənova niyə təlaş keçirir ?
Qoca Oqtay Şirəliyevlə cavan Ramin Bayramlının nə fərqi ?-  “Semaşko”da koronavirusla bağlı  həkimlərin əlavə maaşı niyə kəsilib ?
TƏBİB-in şöbə müdiri vəzifədən getdi - YENİ TƏYİNAT
Sədr Ramin Bayramlı və müşavirinin istefa ərizəsini TƏSDİQLƏDİ
Ramin Bayramlıya vurulan koronavirus peyvəndi deyil - TƏBİB-dən AÇIQLAMA
“Bir xəstəni xilas etmək üçün 5-6 həkim həyatını təhlükəyə atır“ - TƏBİB sədri
Ramin Bayramlıdan etiraf: “Bəzi həkimlər özlərindən müalicə yazırlar”
TƏBİB-dən karantin rejiminin sərləşdirilməsi ilə bağlı AÇIQLAMA
TƏBİB-də yeni təyinat
"Siz niyə maska taxmırsınız?" - TƏBİB-i tənqid etdi
Bəzi şəxslərə koronavirus vaksini vurulmayacaq - TƏBİB
TƏBİB vətəndaşlara müraciət etdi
Professora TƏBİB-də vəzifə verildi - Foto
TƏBİB “TURKOVAC” vaksinini Türkiyədə müzakirə etdi
Ölkədə birinci bu şəxslər vaksinasiya ediləcək