Kənd təsərrüfatı sənin üçün ASAN XİDMƏT deyil, İnam Kərimov…- İnam Kərimov nazirliyi ASAN XİDMƏT-in filialına çevirib
3-11-2021, 14:11
342

Kənd təsərrüfatı sənin üçün ASAN XİDMƏT deyil, İnam Kərimov…- İnam Kərimov nazirliyi ASAN XİDMƏT-in filialına çevirib

Fars dilini əla  bilən kənd təsərrüfatı naziri KƏNDLİNİN dilini bilmir...

İnam Kərimov nazirliyi ASAN XİDMƏT-in filialına çevirib 


Neft və qazı  bir kənara qoysaq, Azərbaycan tarixən aqrar ölkədir. Neft və qazın da  bir gün tükənəcəyi heç kimə sirr deyil. Ona görə də cənab Prezident İlham Əliyev qeyri-neft  sektorunun inkişaf etdirilməsi məsələsini dəfələrlə, dönə-dönə vurğulayır, bu sahəyə kifayət qədər dövlət vəsaiti, subsidiyalar ayırır. Amma...
Amması odur ki, keçmiş kənd təsərrüfatı naziri, ixtisasca mühasib-buxqalter olan Heydər Əsədov onsuz da aqrar sahəni bərbad  günə qoymuşdu. Heydər Əsədov nazir olanadək  1 saat da olsun aqrar sahədə çalışmamışdı. 
Onun  xələfi olan  İnam Kərimov isə  deyəsən Heydər Əsədovdan  bərbad durumda  təhvil aldığı aqrar sahənin axırına çıxacaq. 
Bəli,  İnam Kərimov  əvvəl  gimnaziyada fars dilini öyrənib, sonra  beynəlxalq hüquq-filan, daha sonra ASAN XİDMƏT-zad...
Bir soruşan yoxdur ki, kənd təsərrüfatı naziri olmaq üçün fars dilini bilmək lazım deyil, kəndlinin, torpağın, lap inəyin, dananın, qoyunun, quzunun  dilini bilməlisən...
İki gündən bir  rayonlara “qastrola”  gedib qoyun-quzu ilə, inəklə şəkil  çəkdirməklə  aqrar sahə inkişaf edə bilməz, cənab nazir. 
Axı, bu sahə  yazı-pozu ilə məşğul olan ASAN xidmət deyil e..
Ölkə başçısı  ənənəvi sahələrin, baramaçılığın, pambıqçılığın  inkişaf etdirilməsi üçün təşəbbüs göstərib. 
Nazir İnam Kərimov isə Çindən 1.5 milyon tut tingi gətirməklə  işini bitmiş hesab edir. 
O tinglərin alınmasına neçə milyon pul verilmişdi, cənab İnam Kərimov ?
O tinglərin neçə mini quruyub, xəbərin varmı ? 
Cənab nazir özünə söz verib ki, Kənd Təsərrüfatı Nazirliyini ASAN XİDMƏT-in filialına çevirəcək. 
Təsəvvür edirsiniz, İnam Kərimov vaxtilə ASAN XİDMƏT-də işləyən, regionşünas  dostu Seymur Mövlayevi  Baytarlığa, Aqrar Xidmətə rəis  təyin edir. 
Ay adam, sən başa düşmürsən ki, regionşünas hara, baytarlıq hara ?
Heyvan xəstələnəndə  regionşünas dostunuz  heyvana necə  baxacaq ? 
Belə faktlar  yüzlərlədir. 
Konkret desək İnam Kərimov kənd təsərrüfatı sahəsindəki  KADR KORPUSUNU məhv edir. 
İnam Kərimovun nazir təyin olunduğu 3 ildən çoxdur. 
Bu 3 ildə nə iş gördün, cənab nazir ? 
Ancaq tenderləri öz yaxın dostıarına verməklə nələr qazandın ? 
Bəs aqrar  sahə nə qazandı ? Heç nə. 
Sapoq geyib rayonlara getməklə məsələ həll olunmur, yığışdır  bu tipli reklamlarını. 
Fermerlərə, sahibkarlara baha qiymətə verdiyiniz  heyvanların çoxu xəstədir.   
Dövlətin  fermerlərə  ayırdığı subsidiyanın az hissəsini nağd verib, qalan  hissəsini gübrə ilə əvəz edirsən. 
Gübrəni ölkəyə gətirən dostlarınla əlbir olub, milyonları mənimsəyirsən. Elə bilirsən bütün bunları xalq bilmir ? 
Milyonlarla ölçülən subsidiyalar hara xərclənir ? 
3 ildir nazirsiniz. Bircə dəfə hesabat verin görək, indi subsidiyalar hara xərclənir ? 
Müqəddəs Ramazan ayında qurbanlıq adı altında qoyunlar gətirirsiniz, bunları şəffaf şəkildə etmək olmazmı ? 
Nə  bilək  qurbanlıq adı altında nələr  törətmirsiniz ? 
Baramaçılıqdan  danışırsan, cənab nazir. Heç olmasa, baramanın sortlarını bilirsənmi ? 
Cənab nazir ! Ulu Öndər deyirdi ki, bir ağacın budağı kəsiləndə elə bil qolumu kəsirlər. 
Sən isə  1 ay əvvəl Masallıda  meşələri məhv edib, qiymətli ağacları kəsib yerində bostan salırsan.
Sənə kim ixtiyar verib ki,  ağacları  qırıb meşələri  şumladırsan ? 
Sənin bu hərəkətinə görə, az qala Cənub zonası ayağa qalxmışdı. Əhalini niyə dövlətdən narazı salırsan ?  Zəngilana apardığın adamların içərisində sən bilirsənki kimlər olub? Sən bilirsənki bu siyahı tam araşdırılandan sonra sənə sağ ol deməyəcəklər. Bu başqa bir yazının mövzusudur.
Meşələri  əkdirib çay plantasiyası salmaq  sənin ağlına haradan gəlib, cənab fars dili müəllimi ? 
BETA çay şirkəti ilə necə sövdələşmisən ? 
Bəlkə, bunları Əli İnsanovun təlimatları ilə edirsən ? 
Kimin ƏLİ kimin cibindən çıxır, yaxşı bilirik, cənab İnam Kərimov. 
Dövlət İmtahan Mərkəzindən keçmədən dostlarını, həyat yoldaşının rəfiqələrini nazirlikdə  dövlət qulluqçusu kimi işə götürürsən. 
Cənab nazir, bu ixtyarı sənə kim verib ? 
Cənab nazirin əlaqələrinin bir ucu isə hətta həbsxanaya qədər gedib çıxır. 
Bu barədə növbəti yazıda.


Oxşar xəbərlər

Nazir  İnam Kərimova daha İNAM qalmayıb...
Aqrar sahəyə ayrılan milyonları İrşad Əliyev, İsmət Abbasov və Heydər Əsədov mənimsəyib-  İnam Kərimov bilmir ki, qarnı balalı  damazlıq inəkləri kəsim sexlərinə göndərirlər...
Nazir deputatın bacısı qızına yeni VƏZİFƏ VERDİ
İnam Kərimov Göyçayda videokonfrans keçirdi
3 ili tamam olan nazir İnam Kərimov bu müddətdə aqrar sahədə heç bir ciddi addım ata bilmədi- İnam Kərimovun ailəsinə Əli İnsanovun maddi-mənəvi dəstəyi çox olub...
KTN-də Heydər Əsədov ab-havası... - İTTİHAM
İnam Kərimov ANCAQ NARAZILIQ YARADIR... - İTTİHAM
İnam Kərimovun MÜBHƏM "ESTET" SEVGİSİ... - Milyonlar belə yeyilir...
İnam Kərimov Fermerlər Şurasını topladı
Ticarətçi Heydər Əsədov hara, Dəniz Akademiyası hara ?- Keçmiş  nazir niyə həbs olunmur ?
Cənab İnam Kərimov, sən nazir  qoyansan ?-  Çindən alınan 1.5 milyon tut  tinginin sonu nə oldu ?
Azərbaycanda qarğıdalı sahələrinin dərmanlanmasında dronlar işə salındı
Nazir İnam Kərimovun “qurbanlıq biznesi”- Müqəddəs Qurban bayramında 6 qəpiyindən keçməyən NAZİR
“Kənddən şəhərə” qış yarmarkası bu ünvanlarda fəaliyyətə başlayıb
İnam müəllim də elə əvvəlkilər kimi YEYİR... - Bu fakt hər şeyi ortaya qoyur...
Zəngilanın Ağalı kəndlərində 200 ev tikiləcək
Əli Əsədov türkiyəli naziri qəbul etdi
KTN bu gün başdan-başa korrupsiyalaşıb... - İnam Kərimov büdcə pullarını DAĞIDIR
Sarbonna təhsilli İnam Kərimovun nazirliyində korrupsiyada “məhsuldarlıq” - Yarımadıq...
Azərbaycan-Belarus sənədləri imzalandı
İnam Kərimov etimadı doğrulda bilmədi... - FAKT BUDUR...
İnam Kərimov necə BAHALAŞMA YARADIR... - AÇIQLAMA
Ölmüş at, eşşək əti, leş koronavirusdan daha təhlükəlidir..- Nazir  İnam Kərimovun  rüsvayçı kadr siyasətində Mövlayev Seymurun “müstəsna rolu”…
Nazir və səfir Bakıda yarmarkada - FOTO
“ASAN xidmət” və "ASAN Kommunal" noyabrın 9-u işləməyəcək
Azərbaycanlı iş adamı Ukraynada itkin düşdü
Aparıcıya vəzifə verildi
İlham Əliyevdən aqrar sahə ilə bağlı FƏRMAN
"ASAN xidmət" 3 gün işləməyəcək
İnam Kərimovun Ziya Məmmədovun kadrı ilə bağlı PLANI... - İLGİNC FAKT