Uzun müddətdir ki,  “Azərsu”  ilə “Meliorasiya və Su Təsərrüfatı” ASC-nin birləşdirilməsi medianın gündəmində müzakirə olunur. 
Ümumiyyətlə, eyni təyinatlı müxtəlif dövlət qurumlarının olması məqsədəuyğun deyil. 
Həm də bu dövlət  vəsaitlərinin qənaət olunmasına da mane olur. 
Yəni sözün qısası, “Azərsu”  ilə “Meliorasiya”nın birləşdirilməsi, hər mənada məqsədə uyğundur. 
Gündəlik-Bakıya daxil olan məlumata görə, yaxın zamanda bu iki qurum birləşdiriləcək və qurumun yeni rəhbəri  “Meliorasiya və Su təsərrüfatı” ASC-nin sədr müavini Rafiq Aslanov olacaq. 
Məlumat üçün  qeyd edək ki, Rafiq Aslanov meliorasiya sistemində  ən böyük maddi imkanlara malik, oliqarx məmur kimi tanınır və onun biznesi qardaş  Türkiyədən  uzaq Londona qədər uzanır. 
Xatırladaq ki, bir müddət öncə 10 milyonluq gəmisi batan oliqarx məmurun kimliyi haqqında mətbuatda yazı dərc olunmuşdur. Sonradan məlum oldu ki, bu oliqarx məmur Rafiq Aslanov imiş.