Deputat  Mahir  Aslanovla  bağlı ötən  yazımızda  bu adamın, ümumiyyətlə, avtobioqrafiyasındakı qaranlıq məqamlardan yazdıq.
Belə ki, 96 saylı Goranboy-Naftalan seçki dairəsinin deputatı Mahir Aslanovun  avtobioqrafiyası barədə sosial  şəbəkədə  nəinki yazı, hətta bircə söz  tapa bilmədik. 
Bu adam  4 çağırış Goranboy və Naftalan camaatını Milli Məclisdə təmsil edib. 
Bilən yoxdur ki, bu adam neçənci ildə anadan olub..?
Bu adam məktəbə gedibmi, ali təhsili varmı, ixtisası nədir, hansı ali məktəbi bitirib, orduda xidmət edibmi, haralarda işləyib...??
Bu sualları  uzadıb  oxucunu yormaq  istəmirik…
Bu gün apardığımız araşdırma zamanı  bəlli oldu ki,  Mahir Aslanov  vaxtilə radikal müxalifətin arxasında duran,  sabiq  Baş nazirin 1-ci müavini  Abbas  Abbasovla  biznes ortağı  imiş. 
Bəli, hər ikisi  Rumıniyadan  mebel  gətirərək  Azərbaycanda realizə edirlər. 
Ötən yazımızda   qeyd etdiyimiz kimi, Mahir Aslanov həm də sabiq  nəqliyyat naziri Ziya Məmmədovun  hesabına irəli çəkilib. Hətta  bir müddət  Mahir Aslanovun oğlu Ziya Məmmədova məxsus olan “Bank of Baku”  bankında  rəhbər vəzifədə çalışıb. 
Həə, bir də onu müəyyən edə bildik ki, deputat  Mahir Aslanov SOCAR-da vitse-prezident olan Bədəl Bədəlovun yaxın qohumudur. Və qohumlar Naftalanı demək olar ki, zəbt ediblər. 
Bəli,  bu adamın biznesinin sorağaı  Rumıniyadan, Türkiyədən gəlir. 
Bu adamın Naftalan şəhərində öz adına  ümumi sahəsi 10 min kv.m olan  7 mərtəbəli  müalicə  mərkəzi var. 
Bundan əlavə  Kəpəz  sanatoriyası da  deputata məxsusdur. 
Deputatın Xətai rayonunda  7 mərtəbəli şəxsi  ofisi var.  
Yeri gəlmişkən, deputatın oğlu  Məhəmmədəli  Aslanov Xətai RİH-də  “Sosial-iqtisadi inkişafın təhlili və proqnozlaşdırılması” şöbəsinin müdiridir. 
Deputatın  ümumi sahəsi 2249.1 kv.m. olan "Nobel" oteli də fəaliyyət göstərir.
Bakıdakı HAPPY İNN HOTEL və Kəpəz mebel salonları da deputata məxsusdur. 
Yuxarıda qeyd etdik ki, deputatın səsi-sorağı  tez-tez Rumınıyadan gəlir. 
Bəli, Buxarestdə  fəaliyyət göstərən NİCO & KAPAZ SRL şirkəti  də deputat  Mahir Aslanova məxsusdur. 
Deputatın özündə bir çox sahəni birləşdirən nəhəng biznes şəbəkəsi var. Bu şəbəkə Mahir Aslanova məxsus olan "Kəpəz Group” tikintidən tutmuş, mebel satışına qədər bir çox fərqli sahələri əhatə edir. 
”Kəpəz Group" tikinti, mebel (istehsalı və daşınması), daşımaçılıq, restoran (klub), mehmanxana biznesi, həmçinin təmir və dizaynlaşdırma sahələrində fəaliyyət göstərir. Şirkət hazırda Almaniya, Türkiyə, Birləşmiş Ərəb Əmirliyi, Gürcüstan, Rusiya və Rumıniya ilə güclü əlaqələr qurub. Bundan başqa, Mahir Aslanovun onlarla iri yük daşımaçılığı ilə məşğul olan TIR-ları var.
Təsadüfi deyil ki, deputatın əmisi  oğlu Natiq Aslanov 10 ildən artıq Naftalanın icra başçısı olub. Deputat əmisi oğlu ilə birlikdə Naftalanda sayı-hesabı bilinməyən qanunsuz  işlərə imza atıb. 
Hətta Natiq Aslanovun da  hansı məktəbi bitirdiyi bəlli deyil. Bəzi məlumata görə, sabiq icra başçısı əvvəllər deputatln mebel sexində dülgər işləyib. 
İndi  isə  Mahir  Aslanovun  ailə üzvlərinin biznesinə nəzər salaq. 
Belə ki, deputatın oğlu  Famil  Mahir oğlu  Aslanov həmişə  99-AA-170  avtomobilində gəzir. 
Yeri gəlmişkən,  Famil Aslanov  Səfərbərlik Xidmətində  Daxili Təhqiqatın rəisidir,  rütbəsi isə  mayordur. 
Eyni zamanda KƏPƏZ MTK, KƏPƏZ Klinika  kimi  müəssisələr  Famil  Aslanova məxsusdur. 
Onu da qeyd edək ki, “BAKU İN”  oteli də  Famil Aslanovun  obyektidir və fəaliyyət göstərir. 
Yəni deputatın oğlu FAMİL  dövlət  məmuru olsa da,  geniş biznes şəbəkəsinə malikdir. 
Deputatın o biri oğlu, Məmmədəli isə  90 AA 488  Ranc Rover  avtomobilində gəzir. O da qardaşı  Famil kimi  otel işlədir, NOBEL  otel  deputatın oğlu  Məmmədəliyə  məxsusdur. 
Əslində deputatın  oğlanları otellərini öz bildikləri kimi istifadə edirlər. Deputatın oğlu Famil Aslanov   Xətai  RİH-də şöbə müdiri işləyir. 
Famil Aslanov vaxtilə   MTN-in Nəsimi Rayon İdarəsində rəis müavini olub.
İndi isə deputat  Mahir Aslanovun başqa bir ailə  üzvünün, bacısı  Könül  xanımın biznes şəbəskəsinə nəzər salaq. 
Bəli,  Naftalandakı  “Kəpəz”  sanatoriyasını   deputatın  bacısı  Könül xanım idarə edir. Onun rayonda başqa ticarət obyektləri də var. 
Ümumiyyətlə, bu ailənin  təkcə  İnqilab küçəsində 200 milyon dəyərində  mülkləri var. 
Sözün qısası, deputatın özü və ailə üzvləri  milyonlarla  biznes  səltənətinə sahibdirlər…. Allah xeyirli eləsin. 

P.S Qarşı tərəfin mövqeyini dərc etməyə hazırıq.