“Gündəlik-Bakı”  olaraq  Sumqayıt Səhiyyə şöbəsinin müdiri Səkinə Sadıqovanın  əməlləri barəsində  xeyli müddətdir ki, yazırıq. 
Amma  yazılarda  Səkinə xanmın şəxsiyyətinə, özəl həyatına toxunmuruq və hər dəfə  qarşı tərəfin  cavab haqqını qeyd edirik. 
Məlumat üçün  qeyd edək ki, Səkinə  Sadıqova  2019-cu ildə Sumqayıt boyda şəhərin  səhiyyə şöbəsinə müdir təyin edilib. 
Və həmin gündən Sumqayıt səhiyyəsinin qara günləri başlayıb. Dövlətin səhiyyəyə  ayırdığı külli miqdarda vəsait  Səkinə Sadıqova və yaxınları tərəfindən mənimsənilib. 
Səkinə Sadıqova dövlət tərəfindən xəstəxanalara ayrılan dərman preparatlarını öz malı kimi apteklərdə satdırır və deyir kİ, dövlət xəstələrə dərman vermir. 
“Səkinə doxtur”un  əməllərinə  keçməzdən öncə  bir neçə məsələyə  nəzər salaq.
Ötən yazımızda  qeyd etmişdik ki, Səkinə Sadıqova həkimləri işdən çıxartmaq  adı ilə  külli miqdarda pul qazanır. 
Təsəvvür edirsiniz Səkinə Sadıqovanın tapşırığı ilə sürücülərə (Təcili Tibbi Yardım bölməsinin işçilərinə) 1500-2000  manat təklif edilir ki, işdən çıxsınlar…Oktayın əli ilə…
Redaksiyamıza zəng vuran şikayətçilərdən biri hətta bildirdi ki, Rəfael Nəsirovu  ona görə, işdən çıxarıblar ki, Səhiyyənin müdiri Kamran Əhmədova tapşırmışdı ki, çöldə pulla gözləyirlər çıxart onu işdən… 
İşçiləri  artıq saat işlədirlər və  pul vermirlər. Ehtiyyat  hissələri üçün pul vermirlər. 
Sürücülər üçün olan TABELLƏRİ dəyişib saxtalaşdırırlar. 
Hətta  27 may 2018-ci il tarixdə bazar günü qurumdakı saxtakarlıqla bağlı AKT Tərtib olunub.
Ötən yazıda qeyd etmişdik ki, Səkinə Sadıqova təkcə dərman satdırmır, benzin, maşın yağı, avtomobil hissələri, təkər və s nə olsa satdırır, pulunu mənimsəyir. 
Bəli,  “Sumqayıt Təcili Tibbi Yardım” kimi böyük korrupsiya mərkəzi  Səkinə Sadıqova üçün milyonlar deməkdir. 
Hətta deyilənlərə görə, qaraj müdiri Kamran Əhmədov işə düzəlmək istəyənlərdən 10 min manat alıb Səkinə Sadıqovaya verir. Qaraja ayrılan benzini, yağı, avtomobil hissələrini satdırıb  Səkinə Sadıqovaya çatdırır və özü də qazanır. Redaksiyamıza zəng vuran şəxs bildirdi ki, əgər dediklərimə inanmırsınızsa Kamran Əhmədovla Rafael Nəsirov arasında gedən məhkəmə prosesində iştirak edin və həmin Səhiyyə İdarəsində baş verən qanunsuzluqları və saxtakarlıqları öz gözlərinizlə görün. Biz isə bütün vasitələrdən istifadə edib Kamran Əhmədovun saxtalaşdırdığı bütün sənədləri əldə etmişik. Hətta qaraj müdiri Kamran Əhmədovun yol vərəqəsinə baş həkimin əvəzindən möhür vurmasınıda. Bu həm başqa yazının mövzusudur, həm də Hüquq Mühafizə Orqanlarının işidir.
Bəli, müəssisədə benzin, ehtiyyat hissələri, bəzi başqa təsərrüfat məhsulları satılanda təcili yardım  maşınları xəstələrə yardım dalınca gedəndə yollarda qalırlar. Səkinə Sadıqova deyir ki, qoy sürücülər özləri benzin, “zapçast”  alsınlar. Alsınlar ay Səkinə xanım, biz heçnə demirik axı sürücü cibindən pul xərcləyib yanacaq, ehtiyyat hissələri alanda nə o maşını boş yerə sürmək istəməyəcək, nə də ki təmənnasız kiminsə arxasınca getməyəcək. Kamran Əhmədov bu məsələləri bilməlidir.
Yazıda adları çəkilən hər bir şəxsin mövqeyini dərc etməyə hazırıq.
P.S Səkinə Sadıqovanın nəzərinə, eşitmişik ki, bizim adımızla jurnalistlərə pul paylatdırırsan. Etmə belə şeylər. Biz nə pul götürürük, nə də kiminsə sifarişini yerinə yetiririk. 1000 manat vermisən adını çəkmədiyimiz bir jurnalistə, o da üstündən 550 götürüb, 450-ni verib başqa bir jurnalistə. Bu cinayət əməlidir. Əməllərinizdən çəkinin və iyrənc əməllərinizə bizim adımızı qatmayın. Belə biyabırçı əməlləri etməkdənsə işinizdə dönüş yaradın cənablar.