Masallıda  kompüterləri  kimlər oğurlamışdı və rəis niyə susdu..? 

Hər  gün  ölkəmizdə xeyli vəzifələr boşalır, kimlərsə işdən azad edilir, kimlərsə…
Əlbəttə, boş qalan  vəzifələrə  kimlərinsə təyin olunmaq istəyi  başa düşüləndir. Burada qəbahət bir şey yoxdur. Amma…
Əmması odur ki,  bəziləri unudur ki, elə vəzifələr var ki, ora  təyinat cənab Prezidentin, ya da  cənab Nazirin müstəsna səlahiyyətində olan məsələdir. 
Digər tərəfdən  hər hansı bir  mühüm vəzifəyə  təyinat üçün  müəyyən kriteriyalar da  uyğun gəlməlidir. 
Yəni yüksək vəzifəyə təyinat  kiminsə  istəyi, xəyalı ilə bağlı məsələ deyil. 
Sözün qısası,  məlumdur ki,  bir müddət əvvəl  cənab daxili işlər naziri  general-polkovnik Vilayət  Eyvazovun əmri ilə  general-mayor,  Nəqliyyatda Baş Polis İdarəsinin rəisi Mirqafar Seyidov xidmətdə olmanın  son yaş  həddi ilə əlaqədar təqaüdə göndərildi. 
Və bundan istifadə edən bəzilər  fürsət  güdürmüş kimi təcili  öz adlarını  bu vəzifədə  hallandırmağa  başladılar. 
Belələrindən biri də  polkovnik Nəriman İmanovdur. 
Nəriman İmanov kimdir ? 
Məlumat üçün qeyd edək ki,  Nəriman İmanov vaxtilə  Nərimanov RPİ-nin, Masallı RPŞ-nin, Sumqayıt ŞPİ-nin və  Gəncə ŞBPİ-nin rəisi olub.  
Və 1 ildir ki, Nəqliyyatda  Baş Polis İdarəsinin rəis müavinidir. 
Bu adam haqqında  zaman-zaman  mətbuatda   xəbərlər yayılır. 
Və hər dəfə  susaraq  fikir bildirmir. 
Məsələn  Nəriman İmanov  Masallı RPŞ-nin rəisi işləyərkən  qurumdan xeyli sayda  kompüter  oğurlanaraq satılmışdı. Bu əsl rüsvayçılıq idi. Görəsən,  Nəriman İmanov nə üçün  bu məsələdə səsini çıxarmadı ? 
Belə faktlar onlarladır. 
Gündəlik-Bakıya daxil olan məlumata görə, Nəriman İmanov vaxtilə  Azərbaycan Xalq Cəbhəsinin fanatik üzvlərindən biri olub, sonradan  sabiq  daxili işlər naziri İsgəndər Həmidovun “Boz Qurd”  partiyasında təmsil olunub. Sonradan düşərgəsini dəyişib. 
Nəriman İmanov  Masallıda polis rəisi işləyərkən  rayonda  özü üçün böyük biznes şəbəkəsi yaradıb. Küçə ticarətini ələ keçirərək külli miqdarda  pul qazanıb. 
Bu gün Masallıda Nəriman İmanovun xeyli sayda ticarət, ictimai-iaşə  obyektləri və torpaq sahələri var. 
Bütün bunlar azmış kimi,  Nəriman İmanov  Sumqayıt şəhərində  polis rəisi olarkən,  şəhərdə xeyli sayda obyekti qanunsuz  olaraq özəlləşdirib.
Bu gün Sumqayıt şəhərində  Nəriman İmanovun geniş biznes şəbəkəsinin olduğu söylənilir. Bəzi mənbələrdə o da bildirilir ki, Nəriman İmanov Sumqayıtda polis rəisi işləyərkən öz qulluq mövqeyindən sui-istifadə edərək, bir çox torpaqları zəbt etmişdir. Bu başqa bir yazının mövzusudur.
Sözün qısası, bu gün Nəqliyyatda Baş Polis İdarəsinin  rəisi olmağa  çalışanların sayı onlarladır. Bunlardan biri də Nəriman İmanovdur. 
Əldə etdiyimiz məlumatlara görə, Nəriman İmanov özünü həmin idarənin rəisi kimi görür. Bəzi mənbələrin bildirdiyinə görə, hətta Nəriman İmanov işçiləri rəisə məxsus otaqda qəbul edir.
Amma  istək-arzu  başqa şeydir, bəs  reallıq necədir? Reallıq Nazirin əmrindən sonra olur.
Qarşı tərəfin mövqeyni dərc etməyə  hazırıq.