Access bankın  ZAMİN oyunu…

Azərbaycanda mövcud  bank sisteminin heç bir kriteriyaya uyğun gəlməməsi, bankların əslində vətəndaşları soyması barədə Gündəlik-Bakı olaraq  neçə vaxtdır davamlı olaraq yazırıq. 
Bəli, ölkəmizdəki  bankların  yüksək  faiz dərəcələri, ümumiyətlə,  kreditin verilməsi  mexanizmi dünyanın heç bir yerində yoxdur. 
Birincisi, vətəndaşa kredit verəndə  30 fazilə verirsən, amma vətəndaş  banka əmanət kimi pul qoyanda  10-15 faiz divident ödəyirsən. Bu necə olur ? 
Bu açıq-aşkar alıb-aldatmaq deyilmi ?
Dəfələrlə Milli Məclisin tribunasından açlq şəkildə deyilib ki, bu  soyğunçuluqdur. 
Belə banklardan biri də  “Access Bank”dır. 
Bəziləri  bunu alman bankı-filan kimi təqdim etsələr də bu bankın hansısa oliqarx məmura məxsus olması daha inandırıcıdır, nəinki alman söhbəti. 
Təsəvvür edirsiniz,  media üzərindən apardığımız araşdırma zamanı bəlli oldu ki, bu bank müştəriyə  10 min yazıb 7 min verməyi, yəni 3 min “şapka”  almağı təklif edir. 
İndi  özünüz deyin belə bir hal dünyanın harasında var ? 
Hələ bu harasıdır..? 
İndi isə  keçək ZAMİN məsələsinə..
Ümumiyyətlə,  bankdan kredit götürən şəxsə nə üçün  3-4 nəfər zamin durmalıdır ? 
Qoy bank işçiləri əziyyət çəkib  müştərinin layihəsinə, əmlakına nəzər salsınlar. 
Deməli, zamin məsələsi ilə banklar  vətəndaşları soymağın yeni yollarını düşünüblər. 
Vətəndaş yazır ki, tanışıma  az məbləğdə  kredit götürəndə zamin durmuşam. Və kredit tam ödənilib. Sonta bankdan mənə zəng ediblər ki,  həmin şəxsə daha böyük summada  2-ci  kredit vermək istəyirik, zamin durursunuzmu...
Şikayətçi deyir ki, birmənalı olaraq etiraz etdim. Amma bank işçiləri dedi ki, gəlməsəniz də olar, sadəcə telefonla deyin...
Və  bir neçə aydan sonra məlum olub ki, Access Bank bütün qalan məbləği  məhkəmə vasitəsilə  ZAMİN duran şəxsin üzərinə yönəldib. 
Şikayətçi deyir ki, mən ikinci dəfə zamin durmamışam. 
Yaxşı, bankları başa düşdük, bəs  ƏDALƏT məhkəməsi niyə borcu  zamin durmayan şəxsin üzərinə yükləyib ?
Ümumiyyətlə,  son illərdə baş verənlərdən bəlli olur ki,  banklarla  məhkəmələr sanki şərik işləyirlər. 
Başqa bir müştəri  yazır ki, qızımın həyat yoldaşı Access Bankda  kredit  götürmüşdü,  məbləğin çoxunu ödəyib. 
Qəfil ölüm hadisəsindən sonra bank  3  körpə ilə dul qalan  qadını evindən çıxardıb. 
Qadın  deyir ki, dövlətin verdiyi  150 manat “yetim pulu” ilə  uşaqları dolandırıram. Bank isə məhkəmə vasitəsilə borcu  “yetim puluna”  yönəltmək istəyir. 
Daha əlavə şərhə ehtiyac varmı ?
P.S Qarşı tərəfin mövqeyini dərc etməyə hazırıq.