Səkinə Sadıqova  qanunsuz əməllərinə görə həbs edilməlidir….


“Gündəlik-Bakı” qəzetinin Sumqayıt Şəhər Səhiyyə Şöbəsinin müdiri Səkinə Sadıqovanın qanunsuz əməlləri, tender maxinasiyaları, tabeçiliyində olan şəxslərə qarşı qanunsuz hərəkətləri, dövlət vəsaitini mənimsəməsi və s barədə silsilə araşdırma yazılarından sonra redaksiyamıza zəng edərək hədə-qorxu gələn, hətta redaksiyamıza  “ordu yeridəcəyi” ilə təhdid edən və...özünü  Qarabağ müharibəsinin qazisi kimi təqdim edən şəxs...bu gün  qəzetin Baş redaktoruna öz səsini göndərərək üzr istəyib. 
Əlbəttə, üzr istəmək özü  barışıq və mədəniyyət deməkdir. Və biz də həmişə  barışın  tərəfdarı olmuşuq. Amma...
Əmması odur ki, hədə-qorxu və təhdidlə bağlı iş hazırda  Binəqədi PRİ-nin 7-ci Polis Bölməsində araşdırılır. Və yəqin ki, nəticə  ədalətli olacaq və Hüquq Mühafizə Orqanları üzr istəyənlərin cinayəti törətdiklərini bir daha təsdiq edən səs yazısını işə əlavə etməlidirlər. Bizi təhdid edən şəxslərin bizdən üzr istəməsilə bərabər başqa səs yazıları da var. Çox güman ki, istintaq materiallarına əlavə olunar.  
Lakin biz Gündəlik-Bakı olaraq  Səkinə Sadıqovanın əməllərindən yazmaqdan geri çəkilən deyilik. 
Belə ki, biz bir media olaraq  Səkinə Sadıqovanın  Sumqayıt  boyda şəhərin səhiyyə sistemində çalışan savadlı və ləyaqətli  tibb işçilərini  işdən qanunsuz qovması, onların  yerinə nəyinsə müqabilində yeni işçilərin götürülməsi ilə barışa  bilmərik. 
Yeri  gəlmişkən, Səkinə Sadıqovanın işdən qanunsuz olaraq çıxardığı xeyli sayda tibb işçisi  məhkəmələrə müraciət edib. Və biz  Gündəlik-Bakı olaraq həmin məhkəmə proseslərini sonadək işıqlandırmağa  söz veririk. Bu bizim bir media olaraq  vəzifə borcumuzdur. 
Biz sözün düzü,  Səkinə Sadıqovanın ruhi xəstə olması, ruhi dispanserdə bir neçə ay müalicə olunması, vaxtilə səhiyyə şöbəsində inspektor işləməsi barədə yazdıqlarımızı təkrarlamaq istəmirik. 
Səkinə Sadıqovanın fala baxması, məmurların “dilini-ağzını”  bağlaması, nə bilim kiməsə “qurd yağı sürtməsi” kimi rüsvayçı  məsələləri yada salmaq istəmirik. 
Bunlar  artıq  tirajlanmış məlumatlardır və yenidən bu məsələlərə qayıtmaq istəmirik. 
Həm də  kiminsə ruhi halı bizim üçün maraqlı deyil. 
Bizim üçün maraqlı olan odur ki, Səkinə Sadıqova dövlət tərəfindən xəstəxanalara ayrılan dərman preparatlarını öz malı kimi apteklərdə satdırır və deyir ki, dövlət xəstələrə dərman vermir. 
Səkinə Sadıqova təkcə dərman satdırmır, benzin, maşın yağı, avtomobil hissələri, təkər və s nə olsa satdırır, pulunu mənimsəyir. 
Yəqin ki, oxucular düşünə bilər ki, səhiyyənin müdiri hara, benzin, “zapçast”  alveri hara ? 
Bəli,  “Sumqayıt Təcili Tibbi Yardım”ının qarajı kimi böyük korrupsiya mərkəzi  Səkinə Sadıqova üçün milyonlar deməkdir. (bunu biz demirik, Kamranın işdən cıxardığı Rafael kimi sürücülər deyir)
Bu boyda mərkəzin qarajının müdiri Kamran adlı şəxs gündə neçə dəfə Səkinə Sadiqovanın  kabinetinə girib çıxır. 
Bəli deyirlər ki, qaraj müdiri Kamran işə düzəlmək istəyənlərdən 10 min manat alıb Səkinə Sadıqovaya verir. Qaraja ayrılan benzini, yağı, avtomobil hissələrini satdırıb  Səkinə Sadıqovaya çatdırır və özü də qazanır. (bunu biz demirik aaaa Səkinə Sadıqova orada işləyən sürücülər deyir)
Təcili yardım  maşınları isə xəstələrə yardım dalınca gedəndə yollarda qalırlar. Səkinə Sadıqova deyir ki, qoy sürücülər özləri benzin, “zapçast”  alsınlar. 
Beləcə  xəstələr təcili yardım gözləməkdə, Səkinə Sadıqova isə pul qazanmaqda davam edir. 
Səkinə Sadıqova özünü elə biabırçı aparır  ki, tabeçiliyində olan baş həkimlər onun intriqasından, şantajından qorxurlar. Məlumatlı şəxslər deyirlər ki, Səkinə Sadıqova şəhər ərazisindəki istənilən xəstəxanada pulunu alıb yerdəyişmə edir, istədiyini çıxardır, istədiyini qoyur. Etiraz edənə isə deyir ki, İcbari Tibbi Sığorta Agentliyindəki qrup rəhbəri Rəşad dalımda durub.  
Deməli,  Səkinə Sadıqova  Sumqayıt şəhər şöbəsindəki bütün maxinasiyaları və  kadr  dəyişikliklərini Rəşadın əli ilə edir. 
Yeri gəlmişkən,  Səkinə Sadıqova ona tabe olmayan, yaxud işdən çıxara bilmədiyi  baş həkimlərin  xəstəxanasını şöbəyə çevirir. 
Görəsən, Səkinə Sadıqovanın bu əməllərindən İcbari Tibbi Sığorta Dövlət Agentliyinin İdarə Heyətinin sədri Zaur Əliyevin xəbəri yoxdur ? 
Zaur Əliyev öz işçisi  Rəşadın əməllərinə niyə son qoymur?
Biz ötən sayımızda Səkinə Sadıqovanın tender  maxinasiyalarından geniş bəhs etdiyimiz üçün bu mövzudan  yan keçirik. Bəs görəsən Sumqayıt şəhər rəhbərliyi bu məsələlərə nə üçün biganə yanaşır.
Biz  dövlət hesabına hər ay dərman alan bəzi xəstələrin Səkinə Sadıqovanın ümidinə qalmasından da bəhs etmirik...
Biz  Səkinə Sadıqovanın  təqaüd  yaşı çatmış kadrların pulunu alıb  vaxtını uzatmasından da bəhs etmirik...
Biz Səkinə Sadıqovanın “koronavirus pasportu”  satmasını da yada salmaq istəmirik...
Biz  Səkinə Sadıqovanın “Qaloş”  ləqəbli hüquqşünası Oqtaydan, kadr üzrə  müavini  Sevincdən, bir sözlə, Sumqayıt səhiyyə şöbəsini zəbt etmiş dəstəsindən bəhs etmirik...
Biz Səkinə Sadıqovanın dövlətdən oğurladığı milyonlar hesabına “novostroyka”lardan  bahalı mənzillər almasından bəhs etmirik... 
Bizim istədiyimiz odur ki, Səkinə Sadıqova  ədalət məhkəməsi qarşısında cavab versin və…layiq olduğu  cəzanı alsın.
P.S. Səkinə Sadıqova 23 fevralda bir yas məclisində üz-üzə gəldik. Sənə yaraşarmı ki, bizi pulla almaq və kiməsə pul verib üstümüzə göndərmək, pulun müqabilində bizi susdurmaq. Bütün etdiyin hərəkətlər haqqında, pulu kimlərə verməyin haqqında, ünvan göndərdiyin rüşvəti qəbul etmədiyi halda, kimlərdən alınıb geriyə yəni sənə qaytarılmağı haqda bütün səs yazıları, bütün telefon danışıqları qeydə alınaraq lazım olan təşkilata təqdim olunacaq və rüşvət verib üstümüzə göndərdiyin hər bir şəxs sənin üzünə duracaq. Sənə sübut olunacaq ki, jurnalisti rüşvət müqabilində susdurmaq olmaz. Qarşı tərəf olaraq rəyini bildirməli idin. Sən artıq bütün körpüləri yandırmısan.