“Gündəlik-Bakı”  olaraq  Sumqayıt Səhiyyə şöbəsinin müdiri Səkinə Sadıqovanın  əməlləri barəsində nə qədər yazsaq da, onun barəsində redaksiyamıza  daxil olan materiallar davam edir. 
Səkinə Sadıqovanın əməlləri barəsində yazdıqlarımızı, dövlətin səhiyyəyə  ayırdığı külli miqdarda vəsaiti mənimsəməsini, dövlət tərəfindən xəstəxanalara ayrılan dərman preparatlarını öz malı kimi apteklərdə satdırmasını, həkimləri işdən çıxartmaq  adı ilə  külli miqdarda pul yığımasını yenidən yazıb təkrarlamaq istəmirik. 
Ancaq  bir məsələnin üzərində ciddi araşdırma aparmaq qərarına gəldik. 
Ötən yazılarımızda qeyd etdiyimiz kimi Səkinə doxtur təkcə  xəstəxanalardakı ştatları, xəstələrə verilən dərmanları satmır, o həm də benzin satır, avtomobil təkəri, ehtiyat hissələri satır. 
Belə ki, Sumqayıt boyda şəhərin Təcili Tibbi Yardım bölməsi və onun nəzdindəki qaraj  Səkinə Sadıqovanın tabeçiliyindədir. 
Bəli,  “Sumqayıt Təcili Tibbi Yardım” kimi böyük korrupsiya mərkəzi  Səkinə Sadıqova üçün milyonlar deməkdir. 
Hətta deyilənlərə görə, qaraj müdiri Kamran Əhmədov işə düzəlmək istəyənlərdən 10 min manat alıb Səkinə Sadıqovaya verir. Qaraja ayrılan benzini, yağı, avtomobil hissələrini satdırıb  Səkinə Sadıqovaya çatdırır və özü də qazanır. 
Kamran Əhmədovun müavini isə Kənan Hacıyevdir. 
Məlumat üçün qeyd edək ki, Səkinə Sadıqovanın tapşırığı ilə Kamran Əhmədovun işdən çıxardığı  Rəfael Nəsirov arasında  hazırda məhkəmə prosesi gedir. 
Belə ki, 2018-ci ildə Kamran  Əhmədovun göstərişi  ilə  Kənan Hacıyevin  qoçu dəstəsi  Rafayel  Həsirovun  maşına basaraq mərkəzi  qaraja gətirib döyüblər və maşına  mindirib yarıyolda atıblar. 
Hələki  bu “razborka”nın  kimin xeyrinə bitəcəyi bəlli deyil. 
Qarajın müdiri və Səkinənin  sağ əli  Kamran Əhmədov o qədər həddini aşıb ki, bütün sənədləri saxtalaşdırır, hətta  baş həkimin əvəzindən yol vərəqəsinə möhür vurur. 
Kamran  əvvəllər  “remont” adı  ilə  pul yığırmış, indi isə  deyilənə görə,  “texsmotr”a  görə, hər maşından 100  manatdan yığır. Və  maşınlar “texsmotra”  getmir, pulları isə Kamranla Səkinə bölür. Sonda Kamran  30-dan çox maşının  “texsmotr” pulunu ödəmədiyi üçün maşınlara cərimə gəlir. 
Səkinə Sadıqovanın göstərişi ilə təcili yardım maşınları baş həkimin tabeçiliyinə verilib, texnoloji maşınlar isə  hələlik  Avtoparkda qalır. Səkinə Sadıqova qanunsuz olaraq  Mərkəzi qarajı ləğv edərək   Avtopark  yaradıb.  
Bir sözlə, Səkinə-Kamran cütlüyünün qanunsuz əməlləri davam edir. 
Bütün bu məsələlər yəqin ki, məhkəmə prosesində üzə çıxacaq. 
Lakin, Səkinə və Kamran  cütlüyü  nüvafiq qurumlara təsir edərək  lazım olan  sorğulara  cavab almağa imkan vermirlər. 
Hətta  qaraj  müdiri  Kamran Əhmədovun  məhkəmədə  iştirak etmək hüququ olmadığı halda  məhkəmədə iştirak edir və məhkəməyə təzyiq edir.
Onu da qeyd edək ki,  Səkinə və Kamran cütlüyü  bütün bu qanunsuz  əməlləri  TƏBİB-dəki qrup rəhbəri olan Rəşadın  göstərişi ilə edirlər. 
Əgər Prokurorluq  bu işi  obyektiv  araşdırarsa, təcili yardımda işləyən həkimlər və sürücülər gəlib öz  sözünü deyəcək. Çünki bu məsələdə ən çox zəiyyət çəkən onlardır. 
Təcili Tibbi Yardım Stansiyasının baş həkimi İlkin Namazov da qanunları pozur, Rafayel Nəsirovla bağlı soruğya cavab vermir. 
Məlumata görə, Səkinə Sadıqova İlkin Namzovu özünə müavin aparıb. 
Bəli, bütün bu deyilənləri və yazılanları sübuta yetirmək və istintaq apararaq bütün özbaşınalıqları üzə çıxarmaq, Hüquq Mühafizə Orqanlarının işidir. Biz hər vəchlə çalışırıq ki, bizim bütün yazdığımız məqalələrdən dövlətimiz xeyir görsün və bütünlüklə öz qüvvəmizi toplayıb, daxili imkanlarımız hesabına bu tipli məsələlərin Hüquq Mühafizə Orqanları tərəfindən araşdırılması üçün əlimizdə olan bütün sənədləri istintaq orqanlarına, prokurorluq orqanlarına çatdıraq ki, törədilmiş cinayətlərin üstü asanlıqla açılsın. Buyurun tanış olun, Sumqayıt Səhiyyə idarəsində keçirilən tenderlərin və iştirak edən şirkətlərin siyahısını dərc edirik.