Qarabağ Qazisi məhkəmələrdə süründürülür - 2 aydan sonra ayrılan vəkil də şikayəti yazmır
15-01-2021, 10:35
138

Qarabağ Qazisi məhkəmələrdə süründürülür - 2 aydan sonra ayrılan vəkil də şikayəti yazmır

"Qarabağ qazisi Xaliq Abbaszadəyə qarşı Ədliyyə Nazirliyinin Suraxanı rayonu icra və probasiya şöbəsinin icra məmuru Vüsal Əliyevin reketliyi 5-ci ildir sürür. Bu başabəla icra məmuru məhkəmənin qanuni qüvvəyə minmiş qətnaməsi və təbii ki, məhkəmənin verdiyi icra sənədi olmadan düşmən gülləsinin ağ ciyərinin üçdən ikisini apardığı, xaricdə müalicəyə ehtiyacı olan Qarabağ qazisinin həm pensiyasını ƏƏSMN yanında DSMF-in Xüsusi Şərtlərlə Təyinat İdarəsinə məktub verərək yarıqat etdirib, həm də daşınar-daşınmaz əmlakına, 10 il qabaq satdığı yük maşınına həbs qoydurub, həm də reabilitasiya vasitəsi olan “əlil avtomobili”nə. Azğınlığı, özbaşınalığı təsəvvür edə bilirsiniz?" Bu barədə DİA.AZ-a göndərilən məqalədə bildirilir.

Məqalədə daha sonra deyilir: "Amma hələ də nə Ədliyyə Nazirliyinin, nə Məhkəmə Hüquq Şurasının, nə məhkəmə instansiyalarının, nə Ombudsmanın , nə ƏƏSMN -in ,nə hüquq-mühafizə orqanlarının sıradan yetkililərindən tutmuş rəhbərliyinə kimi bu yekəlikdə dələduzluğu, azğınlığı, özbaşınalığı, korrupsiyanı nəinki görməyə, təsəvvür etməyə belə vəzifə borcları imkan verir. DÜŞMƏN GÜLLƏSİNİN AĞ CİYƏRİNİN ÜÇDƏN İKİSİNİ, YERLİ MƏMURLARIN PENSİYASININ YARISINI, ƏMLAKININ HAMISINI APARDIĞI, XARİCDƏ MÜALİCƏYƏ EHTİYACI OLAN QARABAĞ QAZİSİNƏ QARŞI İCRA, MƏHKƏMƏ, SOSİAL-İQTİSADİ, VƏKİL DƏLƏDUZLUĞU 7 İLDİR SÜRÜR! (?)

Qarabağ qazisinin 2 saylı Bakı İnzibati-İqtisadi Məhkəməsinə Suraxanı icra və probasiya şöbəsinə və icra məmuru Vüsal Əliyevə qarşı iddiasını hakim Zaur Tağıyev iclasa bildirişi vaxtından bir həftə gec verməklə tərəflərin iştirakını təmin etmədən mümkün saymayıb ki, ümumi məhkəmədə baxılmalıdır. Hər iki yuxarı instansiya da icra məmurunun təzyiqi ilə bu absurd qərardadı qüvvədə saxlayıb. ƏƏSMN yanında DSMF-in Xüsusi Şərtlərlə Təyinat İdarəsinə qarşı qazinin iddiasını hakim Miminat Hacıbəyova mümkün saymayıb ki, qazi pensiyasının yarıqat edilməsi ilə ona ziyan dəyməsini sübut edə bilməyib. Bakı Apellyasiya Məhkəməsinin İnzibati-İqtisadi Kollegiyası da bu absurdluğu qüvvədə saxlayıb. Lakin Ali Məhkəmənin İnzibati-İqtisadi Kollegiyası aşağı instansiyanın qərardadını ləğv edib və işi yenidən baxılmaq üçün apellyasiya instansiyasına, apellyasiya instansiyası da öz növbəsində Bakı İnzibati Məhkəməsinə göndərib. Burada iş yenidən qərardadı ləğv edilən Miminat Hacıbəyovaya verilib və bu hakim bir illik süründürməçilikdən sonra iclas təyin edib. İddiaçı qazinin hakimə etirazı qəbul olunsa da, bu, ona baha başa gəlib. Yeni hakim Nəriman Abıyev yuxarı instansiyaların ləğv etdiyi qərardadı yenidən qəbul edərək iddianı mümkün saymayıb ki, pensiyasını kəsən cavabdeh DSMF-ə müraciət etməyib ! (?) Qərəzi görürsünüz, Qarabağ qazisinin pensiyasını onu verməyə təhkim edilən ƏƏSMN yanında DSMF-in Xüsusi Şərtlərlə Təyinat İdarəsi başqasına ödəyir və bərpa etmir, əksinə, dələduzlarla birləşib Vətəni müdafiə edərkən əlil olmuş qazinin dərman pulunu yeyir, məhkəmə isə onun sözü ilə pensiyaçının cavabdehə müraciət etmədiyi “əsası” ilə iddianı mümkün saymır! (?) Belə VİCDANLA QAZİ PENSİYASINA QOVUŞA BİLƏR?

Qazinin Bakı İnzibati Məhkəməsinin qərardadından şikayətinə ƏƏSMN -in təzyiqi ilə “baxan” Bakı Apellyasiya Məhkəməsinin İnzibati Kollegiyası (sədrlik edən və məruzəçi hakim Mirzə Tağızadə, hakimlər Vüsalə Baxışova və Xumar Mərdanova ) 20.10.2020 tarixli qərardadla aşağı instansiyanın absurd qərardadını qüvvədə saxlayıb. Qarabağ qazisinin 2 aylıq şikayətlərindən sonra, axırı ki, Bakı Apellyasiya Məhkəməsi 04.12.2020 tarixli qərardadla Qarabağ qazisini kassasiya şikayəti vermək üçün dövlət büdcəsinin vəsaiti hesabına vəkillə təmin edib və qərardadın icrasını Vəkillər Kollegiyasına tapşırıb. Lakin artıq 40 gündür VK qərarın icrasını təmin etməkdən imtina edir. 40 gündən sonra VK-dan Qarabağ qazisinə 9 saylı vəkil bürosundan Gülbala Zamanovun ona vəkil edildiyi bildirilib. Ayrılan vəkil isə işə çıxıb, şikayəti yazmaq yerinə, Qarabağ qazisindən Bakı Apellyasiya Məhkəməsindən iş üzrə sənədləri götürməyi tələb edir! (?) Bu da “peşəkar” vəkil xidməti! Bilmək olmur, vəkil niyə məhkəmə qərarını icra edib , işə çıxıb şikayəti yazmır? Axı, bu onun işidir! Vəkil G.Zamanov, deyəsən, işə çıxmağa zamanının olmadığını bildirib. (?)

Hələ ki, Vəkillər Kollegiyası məhkəmənin , gec də olsa, üzərinə qoyduğu tapşırığı 40 gündür icra etmir. Qərardaddan kassasiya şikayəti vermək üçün müddət isə cəmi 10 gündür. Yəqin ki, Ali Məhkəmə ilə Vəkillər Kollegiyasının məhkəmə təminatı hüququna “gec yazıldığına görə kassasiya şikayətinin icraata götürülməsindən imtina” ənənəvi ortaq qadağası qəbul olunacaq . Özbaşınalığa baxın, məhkəmə vəkili gec ayırır, vəkil şikayəti yazmır və ... qazi (lər) məhkəmə təminatı (və sosial təminat ) hüququndan məhrum edilir! (?)"

İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...

Oxşar xəbərlər

ƏƏSMN Qarabağ Qazisinə qarşı SAVAŞ APARIR - NARAZILIQ!
Heybət İmanovun Konstitusiyadan üstün olmasının şok səbəbi - 3-cü aydır güzəştli şərtlərlə pensiyaçılara ödəniş edilmir
Heybət İmanov pensiyaçılardan tutdurduğu şəxsə qarşı ifadə vermələrinə çalışır - İTTİHAM
Məhkəmə qərarını icra etməyən Vəkillər Kollegiyası qazilərə pulsuz xidmət edəcək? - NARAZILIQ!
ƏƏSMN -in ac qoyduğu pensiyaçılar aclıq aksiyası keçirəcəklər - ÇƏKİŞMƏ...
Bir nazirlik kəndini işğaldan azad edir... sevindirir, digər nazirlik isə... - GİLEY
DSMF hələ də qanunları tapdalayır... - GİLEY
ƏƏSMN qazi, şəhid ailələrinin sosial hüquqlarını mənimsəyir - GİLEY
Sahil Babayevin müavini məhkəmə qərarının qanuniliyini yoxlayır?! - ABSURD!!!
Ədliyyə nazirinin müavini Azər Cəfərov məhkəmələrə necə təsir edir? - GİLEY
ƏƏSMN, Nizami RİH və ƏMDX-nın kollektiv mənzil korrupsiyası... - GİLEY
Bakıda keçmiş icra məmuru rüşvət aldı - cəzası bilindi
29 ildən sonra Xankəndidə ilk azərbaycanlı vəzifəyə təyin edildi (FOTO)
12 icra məmuru cəzalandırılıb
ƏƏSMN -də Heybət İmanovun “audit bazarlığı” - İTTİHAM
Gəncəlilər Fikrət Məmmədovdan kömək istəyir - "İcra məmurlarının özbaşınalığından bezmişik!"
Vüqar Behbudov SXA-nı “Saxta Xidmətlər Agentliyi”nə çevirib - İTTİHAM
Bu ilin ilk yarısında məhkəmələrdə alimentlə bağlı 88 mindən artıq işə baxılıb
İcra başçısı həbs olunan rayonun məmuru intihar etdi
Ədliyyə Nazirliyinin idarə rəisi işdən qovuldu - Həbs edilə bilər...
Beynəlxalq Bank Qarabağ əlilinə xidmətdən imtina edib - Limiti keçmək bəhanəsi ilə
Bakıda məşhur tikinti şirkətinin əmlakına həbs qoyuldu
Qarabağ Regional Ədliyyə İdarəsinə daxil olan ərazilərimiz açıqlandı - RƏSMİ
Xankəndi Qarabağ Regional Ədliyyə İdarəsinin yurisdiksiyasına daxil edilib
Vətən Müharibəsində qazi, şəhid olanlara saxta “mənzil qayğısı”... - İTTİHAM
Sabiq icra başçısının oğlunu öldürən ömürlük məhkumun şikayətinə baxıldı
İşdən çıxarılan məmur:"Dedi-qoduya uymasınlar"
İcra məmurlarına rəqib gəlir - ÖZƏL İCRA XİDMƏTİ