“Kontak Home” şirkətinin saxta  reklamları-İstehlakçı aldığı  keyfiyyətsiz malı niyə geri qaytara bilmir?
22-02-2021, 15:28
320

“Kontak Home” şirkətinin saxta reklamları-İstehlakçı aldığı keyfiyyətsiz malı niyə geri qaytara bilmir?

Əsas mövzuya keçməzdən öncə cəmiyyətimiz üçün çox vacib olan bir məsələyə nəzər salaq. 
Söhbət istehlakçıların, yəni mal-məhsul alanların, o cümlədən qazdan, sudan, işıqdan istifadə edənlərin və s hüquqlarının qorunmasından gedir.

Beynəlxalq aləmdə bu çox ciddi məsələdir, hətta BMT-nin Baş Assambleyası “İstehlakçıların maraqlarını müdafiə etmək üçün rəhbər prinsipləri” müəyyən edib və sivil dünya bunu çoxdan qəbul edib. 
İstehlakçı alacağı məhsulun sertifikatını tələb edə bilər, aldığı malı geri qaytara bilər və digər tələblər irəli sürə bilər.
Düzdür, bizim qanunverici orqan da istehlakçıların hüquqları ilə bağlı qanun qəbul edib. Amma...
Birincisi, qanunda istehlakçıların hüquqları ilə bağlı xeyli boşluqlar var. İkincisi, bizdə pis-yaxşı mövcud olan qanunların işləmə mexanizmi bərbad durumdadır. 
Sadə bir misal göstərək. İstelkaçının qaza, işığa, suya ödədiyi pul bitən kimi avtomatik  xidmət kəsilir. Yaxşı, keyfiyyətsiz qaza, suya görə, yaxud saatlarla, bəzən günlərlə qaz, işıq, su kəsiləndə niyə istehsalçı istehlakçıya-vətəndaşa  zərərə uyğun pul ödəmir ? 
Axı, qanun istehsalçı və istehlakçı arasında öhdəlikləri nəzərdə tutub. Yəni öhdəliklər  ikitərəflidir.
Bir misalla kifayətlənək.
Londonda yaşayan həmyerlimiz deyir ki, bir qoca ingilisdən soruşdum ki, sizdə işıq tez-tez sönür? 
Qoca ingilis cavab verib ki, sonuncu dəfə 1943-cü ildə İkinci Dünya müharibəsində alman faşist təyyarələrindən qorunmaq üçün işıqları söndürmüşdülər.
Bu uzun girişdən sonra keçək əsas mövzuya.
 Deməli, istehlakçıların ən hüquqlarının pozulduğu sahələrdən biri də  “Kontakt Home”  mağazalar şəbəkəsidir. 
Bir çox elektronika və məişət avadanlıqlarının satışı ilə məşğul olan bu şirkət  fırıldaqları, alıcıları aldatması ilə bağlı mətbuatda kifayət qədər  yazılıb. Amma faydası olmayıb. Bu şirkətlə bağlı şikayətlər bitmək bilmir. 
Təsəvvür edirsiniz, gecə-gündüz  televiziyada “Kontakt Home” mağazalar şəbəkəsinin məhsulları reklam olunur və  şirkətin guya əhaliyə faizsiz kredit verməsindən bəhs edilir. Reklamda malın üstündəki qiymətin guya müştərilərə  12 ay müddətində  faizsiz verildiyi qeyd olunur. Amma əslində  12 ayın pulunu hesablayanda malın üstündəki qiymətdən təxminən 30 faiz baha başa gəlir.
Yaxşı bunun harası FAİZSİZ  oldu ? 
Dünyanın hansı ölkəsində 30 % kreditlə məhsul satırlar ? 
Müştərilər  dəfələrlə bu məsələni qaldıranda şirkətin rəhbərliyi cavab verib ki, bu faiz deyil, xidmət haqqıdır, yəni komissiya haqqıdır.
Bu lap pis. 30 faiz xidmət haqqı olar ? 
Bu sual da açıq qalır. 
Şirkət rəhbərliyi deyir ki, bizdə xidmət haqqı 5-8 faizdir. Bəs yerdə qalan 22-25 faizi kimin ayağına yazaq?
“Kontakt Home” şirkətinin satdığı mobil telefonlar da  müştərilər  üçün əsl baş ağrısıdır. 
Şirkətdən alınan  mobil telefonlarda problem yarandığı zaman alıcı işgəncəyə məruz qalır. Belə ki, telefonu “Kontakt Home”-un rəsmi təmir mərkəzinə aparan zaman orada onu get-gələ salırlar və alıcı məcbur qalıb telefonunu başqa servisə aparır. Bu zaman o, həm pulsuz təmirdən məhrum olur, həm də əlavə xərcə düşür. 
Şirkətin digər məhsulları da keyfiyyətsiz olanda malı geri qaytarmaq olmur. Bir sözlə, şirkətin müştərilərə yaratdığı problemlər  saymaqla  bitən deyil.
Bəs görəsən o boyda dövlət qurumu hara baxır.
Söhbət  İqtisadiyyat Nazirliyinin nəzdindəki İstehlakçıların Hüquqlarını qorumalı olan Dövlət Xidmətindən gedir.
O Dövlət Xidmətində əyləşənlər  maaşı haradan alır? 
Əlbəttə, dövlət büdcəsindən. Dövlət büdcəsi necə yaranır?
Əlbəttə, vətəndaşların ödədiyi vergilərdən. 
Bəs vətəndaşın hüquqlarını niyə qorumursunuz, cənablar?

Oxşar xəbərlər

“Alınan mallar geri qaytarılmır” yazanlar 900 manatadək CƏRİMƏLƏNƏCƏK
Antiinhisar Siyasəti və İstehlakçıların Hüquqlarının Müdafiəsi Xidməti niyə susur? - ETİRAZ
“LC Waikiki Azərbaycan”-da saxta məhsullar BREND kimi satılır-Görəsən “Qosstandart” adlı dövlət qurumu  hara baxır ?
Vətəndaş "Unibank"ın işləklərindən cana doyub... - GİLEY
AQTA quşçuluq məhsullarının satışı ilə sahibkarlara müraciət etdi
Məmurların korrupsiya əməllərinə göz yuman qurumlar bunlardır - SİYAHI
“Kapitalbank” İqtisadiyyat Nazirliyinin Vergi Xidmətinin səlahiyyətlərini icra edir? - NARAZILIQ!
"Grand Home Concept" müxtəlif yollarla boyun qaçırmağa başlayıb... - NARAZILIQ!
Tapılan əşyanın sahibini tanımırıqsa bu əşya bizə halaldırmı?
"Kontakt home"-la bağlı böyük qalmaqal: Şirkətə sanksiya tətbiq oluna bilər
“Kontakt Home”, özünüz axmaqsız, elə bilirsiz…" - Müştəridən ETİRAZ
Bakıda saxta pul əməliyyatları ilə bağlı ilginc iddialar
Azərbaycan Ermənistanı Avropa Məhkəməsinə verdi
Ucuz malları brend adı ilə baha satan mağazalar- SAXTAKARLIQ
Deputatın şirkəti NARAZILIQ YARADIR... - GİLEY
Mərkəzi Bank “Azsığorta”nın qarşısında aciz qalıb? - NARAZILIQ...
Prezidentdən rüşvətxor məmurlara xəbərdarlıq: “Buna son qoyulmalıdır”
“Azəristiliktəchizat” ASC necə narazılıq yaradır...
Zəngəzuru referendumla qaytara bilərik? – ŞƏRH
Azərbaycanlılar vəsaitinin 50 faizə qədərini ərzağa xərcləyib - RƏSMİ
“Pasiyentlərin və tibb işçilərinin hüquqları haqqında” qanun layihəsi müzakirədən çıxarılıb
“Pulunu ver, itil cəhənnəmə” – “Kontakt Home”dan yağış kimi ŞİKAYƏTLƏR – FOTO
Qanunvericilikdə “əlil” anlayışı başqa sözlərlə əvəz olunacaq
Putin: Buna Bakı qərar verəcək
“Ermənistanda olan azərbaycanlı əsirlərin hüquqları pozulur” - Ombudsman
Azərbaycanda koronavirusun ikinci dalğası olmaya bilər
Prezidentdən neftin qiyməti ilə bağlı AÇIQLAMA
Şəmkirin icra başçısının BAŞI DƏRDDƏ - Ona cinayət işi açıla bilər
PROBLEM: Sahibkarda biznes plan, Fondda pul yoxdur... - “Banklar yükdən qurtulmağa çalışır”
“Kontakt Home”un sahibi  Elnur Allahverdiyev kimdir?-''KONTAKT HOME''dan bitməyən ŞİKAYƏTLƏR......