Füzuli rayon, Aşağı Əbdürrəhmanlı kəndindən məcburi köçkün, hazırda Füzuli rayon Zobucuq 2 qəsəbəsində müvəqqəti məskunlaşmış Kərimova Çinarə uzun müddətdir ki, ünvanlı sosial yardım düzəldə bilmədiyi üçün şikayətlənir.

DİA.AZ-ın məlumatına görə, Çinarə xanım ünvanlı sosial yardımla əlaqədar, Əmək və Əhalinin Sosial Müdafiəsi Nazirliyinə dəfələrlə müraciət etsə də, müraciəti əsasında ona imtina cavabı gəlmişdir.

Çinarə Kərimova 2 azyaşlı uşaqları ilə birlikdə yaşayır. Çinarə xanımın rəsmi iş yeri yoxdur, buna görə də ona ünvanlı sosial yardım verilməyib.