“Azəristiliktəchizat”ın növbəti özbaşınalığı: - “Əlavə pul yığır”
19-11-2020, 09:45
52

“Azəristiliktəchizat”ın növbəti özbaşınalığı: - “Əlavə pul yığır”

“Azəristiliktəchizat” ASC Noyabrın 1-dən ucqar rayonlarda, 15-dən isə paytaxt Bakıda qış rejiminə keçidlə bağlı binalara istiliyin verilməsinə başlamalı idi. Elə bu haqda qurumun özü açıqlama versə də, istilik gözləyən əhalinin ümidləri puç olub. Ona görə ki, noyabrın ayının ikinci on günlüyünün bitməsinə rəğmən istilikdən əsər-əlamət yoxdur. Havanın bir anda soyuması, payızın ilıq nəfəsinin qışın soyuğu ilə əvəz olunması da insanların işlərini çətinləşdirir. Məlum qurumdan isə hələ də səs-səmir gəlmir.

İstiliyin verilməməsinə səbəb “Azəristiliktəchizat”ın “Azərqaz”a olan borcu göstərilir. Yəni illərdir ödənilməyən borclara görə qazanxanaların qazla təchizatı dayandırılıb. “Azərqaz”ın nümayəndələri üstüörtülü də olsa, durumun doğruluğunu təsdiq edir və məsələnin səbəbini qarşı tərəfin açıqlamalı olduğunu söyləyirlər. İki cəbhə arasında əziyyət çəkən isə vətəndaşlardır.

Məlumat üçün qeyd edək ki, ötən il də “Azəristiliktəchizat”ın borcunu dövlət öz üzərinə götürdü. Ya vəlvələdən, ya zəlzələdən nəticədə olmayan istilikdən “yanan” da, soyuqda qalan da vətəndaşdır. Hələ evində körpəsi, qocası olan insanlar da var.

Məlum məsələni “Sherg.az”a dəyərləndirən "MBA" konsaltinq və qiymətləndirmə şirkətinin baş direktoru, daşınmaz əmlak üzrə ekspert Nüsrət İbrahimov deyib ki, bu problem tək indi yox, hər il olur:

“Onu da deyim ki, “Azəristiliktəchizat” hər il bizdən pul yığır. Məndən, övladlarımdan ödəniş götürülür. Əlimdə olan məlumata əsasəsn deyirəm. Bəlkə də, bəzi ailələrdən pul yığa bilmirlər. Amma bunun məsələyə aidiyyəti yoxdur. Ona görə ki, istilik olduqca vacibdir. Camaatı soyuq aylarda istilikdən məhrum edirsən. Bir tərəfdən koronavirus infeksiyası var, digər tərəfdən də havalar kəskin soyuyub.

Belə olduğu halda insanları xəstələnməyə vadar edirsən. Bunun da acı nəticəsini ölkə iqtisadiyyatı çəkir, sosial gərginliyə gətirib çıxarır. Təbii ki, məsələnin üstünə vaxtında düşmək lazımdır. Əgər hansısa binada sakin istilik alır, pul ödəmirsə, onun da həll yolları var. İnzibati qaydada, ya da məhkəmə yolu ilə və sair problem aradan qaldırılar bilər. Buna baxmayaraq ayın 15-i istilik mütləq verilməli idi.”

N. İbrahimov həmçinin bildirib ki, sözügedən qurum hər il işini gecikdirsə də, ödəniş zamanı istilik verilməyən ayları da hesaba qatır:

“Hər il istiliyi 5-10 gün gecikdirirlər. Sonradan isə əhalidən bütün dövrlər üçün pul yığırlar. Onda vermədiyi istiliyin pulunu da alır. Məsələn internet də belədir. Hamıda keçən dövrdə internet olmadı. Amma hər ayın biri pulunu yığıdılar. İstilik də eynən belə edir. Gecikdirir, amma pulunu tam dövr üçün alır. Hesab edirəm ki, “Azəristiliktəchizatı” barədə ciddi ölçü götürmək lazımdır”.

Oxşar xəbərlər

Qurumun borcuna görə Bakı yenə istiliksiz qaldı
“Azəristiliktəchizat” ASC necə narazılıq yaradır...
Bəzi ərazilərdə istilik mövsümü niyə gecikir? - AKTUAL
Bakıda bu tarixdən istilik sistemləri işə salınır - Rəsmi açıqlama
Bakıda havanın temperaturu normadan aşağı düşdü
Sabahın hava proqnozu AÇIQLANDI
Temperatur 5-7 dərəcə enəcək, qar yağacaq - Xəbərdarlıq
Sabaha olan hava proqnozu açıqlandı
Sabahın hava proqnozu AÇIQLANDI
Sabaha gözlənilən hava şəraiti açıqlandı
Nazirlikdən hava xəbərdarlığı
Sabah hava necə olacaq?
Sabahın havası: yağış, külək...
Sabahın hava proqnozu açıqlandı
Bakıya yağış yağır: Hava ilə bağlı xəbərdarlıq
Koronavirus da erməniləri məhv edir: Düşmən başını itirib
Hava şəraiti dəyişəcək - Xəbərdarlıq
Sabah yağış yağacaq
Sabahın hava proqnozu açıqlanıb
Sabaha olan hava proqnozu AÇIQLANDI
Ermənilər indiyədək Tərtərə 15 700 top atıb
Sabah intensiv yağış yağacaq
Əcnəbilərə övladlığa verilən uşaqların sayı açıqlanıb
Yaxın 3 gün ərzində hava necə olacaq?
Bakıda güclü duman var
Nofəl Süleymanov Bəturə Hüseynovayla sevgili olub? - “İki ildir ki...” - AÇIQLAMA
“Finoko” BOKT BAĞLANMA YOLUNDA - Borcunu qaytara bilmir
Dilqəm və Şahbazdan xəbər var: Şirakda saxlanılırlar
Kimlər üçün maskadan istifadə etmək təhlükəlidir?
Sabaha gözlənilən hava şəraiti açıqlandı